د خیبر ضلعې د پولیسو یوه چارواکي چې له رسنیو سره یې د خبرو اجازه نه لرله، د نوم نه ښوولو په شرط مشال راډیو ته وویل، د فبرورۍ پر پینځمه غرمه مهال امنیتي ځواکونو او پولیسو د جمرود پر تخته بېګ پوستې یوه ګاډي ته د درېدو اشاره وکړه خو هغه و نه درېد.
مظاهرچيان د کبل تحصيل له پوځي کيمپ سره نږدي راغونډ شوي ول. د هغوی په خبره ۱۵ کاله وړاندې په ۲۰۰۸ز کال کې د سیمې د امنيت د ټینګولو لپاره پوځ او امنیتي ادارو د هغوی ۱۵۰ کناله زمکه نیولې وه.
د بد امنۍ سره په لاس او ګریوان صوبه خیبر پښتونخوا کې تر دې وړاندې هم د ولسي پاڅون په نامه په سوات، دیر، صوابۍ او نورو سیمو کې لاریونونه او مظاهرې شوې دي. خلک له حکومته غواړي چې د بدامنۍ، هدفي وژنو، د برمته نیونې او قلنګ غوښتو مخه دې ونیسي.
د نوموړي سکول او هاسټل مسوول انجینیر زاهد ممتاز د فبرورۍ په څلورمه نېټه مشال راډیو ته وویل، دم ګړۍ ته د پاکستان د پوځ په مرسته ۱۲۰ نادارو یا یتیمو ماشومانو لپاره دا سهولت برابر شوی دی
اېمل ولي خان دا څرګندونې پر داسې مهال کړې دي چې د جنورۍ پر ۳۰مه د پېښور د پولیس لاینز پر جومات په برید کې ۱۰۱ کسان ووژل شول.
د کواټ د پولیسو ویاند فضل نعیم د فبرورۍ پر دویمه ماښام مهال تر پېښې وروسته مشال راډیو ته وویل، چې یو مساپر وړونکی فلاینګ کوچ (های اېس) ګاډی له سرنګ سره نېږدې له بار وړونکې لارۍ سره وجنګېد.
په همدې حال کې په شمالي وزيرستان کې يو امنيتي چارواکي چې له رسنیو سره یې د خبرو اجازه نه لرله، د نوم نه ښوولو په شرط مشال راډیو ته وویل چې تازه یې په سیمه کې د وسلوالو پر ضد کاروايي کړې ده.
په پاکستان کې دا لومړۍ ځل نه دی چې په جوماتونو حمله شوې ده بلکې په تېرو څه دپاسه دوو لسيزو کې په جوماتونو او امام باړو په وار وار بريدونه شوي دي چې پکې د تحریک طالبان پاکستان په ګډون ځېنو نورو وسله والو ډلو يې ذمه واریانې منلې دي.
د ژغورونکې ادارې ۱۱۲۲ د کوهاټ ضلعې وياند جواد خليل مشال راډیو ته وویل چې د مړو شمېره له هغه وروسته زیاته شوه چې نن (د جنورۍ پر ۳۱مه) ۲۱ نور مړي له ډېم څخه را وویستل شول.
د پېښور پوليسو مشال راډيو ته ويلي چې دا بريد د جنورۍ پر ۳۰مه د پولیس لاين په جومات کې دننه شوی دی. عيني شاهدانو مشال راډيو ته ويلي چې ځانمرګی بريدګر په لومړي صف کې په امام پسې ولاړ وو او چاودنه یې وکړه.
د کواټ پوليس وايي چې په تاندا ډېم کې ډوب شوي ټول د ميرباز خيل مدرسې زده کوونکي ماشومان وو کوم چې د سېل لپاره هلته ورغلي وو.
نور وښیئ
