د پاکستان په ليري پرتو سيمو کې ګڼې ښځې شناختي کارډونه نه لري چې له کبله يې په انتخاباتو کې د رايې ورکولو له حقه محرومې پاتې کېږي.
د پاکستان د پلټنو وفاقي ادارې (اېف ای اې) په ۲۰۲۰ز کال کې پر اسماعیل، د هغه پر مېرمن او لور ګلالۍ اسماعیل له هېواد سره د غدارۍ، د هېواد پرضد د سازش، د ترهګرۍ او د ترهګرو د مالي ملاتړ په تورونو مقدمه دایره کړه وه چې اورېدنې یې له هغه وخت راهیسې روانې وې.
پوليس ادعا کوي چې وژل شوي څلور بريدګر له ناقانونه وسلوالې ډلې تحریک طالبان پاکستان (ټي ټي پي) غړي دي چې په وینا يې هلته په هدفي بریدونو او پر امنیتي ځواکونو په بریدونو کې ککړ ول. خو ټي ټي پي په دې اړه تر دې دمه څه ډول غبرګون نه دی ښوولی.
د عوامي نېشنل ګوند د خیبر پښتونخوا جنرل سېکرټر سردار حسین بابک غونډې ته په وینا کې وویل چې پښتانه هغه وخت د اوسني حالت په اړه یوه تګلاره جوړولای شي چې "خپلمینځي اختلافات ختم" کړي.
انتظامي چارواکو مشال راډیو ته ویلي چې برید د فبرورۍ پر ۱۱مه په کجورۍ امنیتي پوستې باندې د ماړي پیټرولیم کمپنۍ پر کاروان وشو چې د امنیتي ځواکونو په بدرګه روان وو.
تر دې دمه امنيتي چارواکو په دې اړه څه نه دي ويلي خو یو انتظامي چارواکي د نوم پټ ساتلو په شرط د فبرورۍ په ۱۰مه مشال راډیو ته وویل، هغوی هڅه کوي د یوې جرګې له لارې د شلوبر قام او پوځ ترمنځ دا مسله هواره کړي
سجاد مسيد اېډوکېټ پرون (د فبرورۍ پر ۱۰مه) له امريکا غږ رېډيو سره په خبرو کې وويل چې د عمران خان د هغه بيان خلاف يې په پېښور های کورټ کې درخواست جمع کړی چې په کې نوموړي تور پورې کړی چې د ده د وژنې لپاره د جنوبي وزيرستان دوه کسان چمتو کړل شوي وو.
احسان داوړ د فبرورۍ پر اتمه مشال رېډیو ته وویل، هغو کډوالو ته یې د بکاخېلو له کیمپه په شمالي وزیرستان کې خپلو کورونو ته د ستنولو لپاره د فبرورۍ له څلورمې تر ۱۰مې پورې وخت ورکړی وو، خو له ۳،۱۰۰ رجسټرډ کورنیو څخه تر اوسه پورې یوازې ۵۳ هغه ستنې شوې دي.
د شلوبر قامي کونسل مشر عبدالغني اپرېدي د فبروری پر اتمه له مشال راډيو سره په مرکه کې دعوه وکړه چې امنیتي ځواکونو تر هغې وروسته په تيرا کې د "خلکو ځورول پیل کړي" چې شاوخوا يوه اوونۍ وړاندې هلته "ځينې مشکوک وسلوال وليدل" شو چې ويډيو يې په ټولنيزو رسنيو هم خپره شوې وه.
نور وښیئ
