پښتونخوا او قبایل

خیبر کې چارواکو په غیر قانوني‌ ډول وهل شوې ونې او قاچاقېدونکي لرګي نيولي

د خیبر ضلعې د ځنګلاتو محکمې مرستیال مشر اورنګزېب خان د اکتوبر پر ۲۳مه مشال راډیو ته وویل چې د ونو وهلو سامانونه یې هم نيولي دي.

افغانان وایي پر تورخم وره سختي لا زیاته شوې ده

د پاکستان حکومتي او امنیتي چارواکي وايي چې له افغانستان سره پر پوله د سختې تګلارې عملي کولو هدف د وسلوالو د تګ راتګ مخه نیول دي.

شمالي وزیرستان کې په ځانمرګي برید کې ۴ سرتېري ژوبل شوي

چارواکي وویل، د پوځ د انجینرۍ او تعمیراتي چارو ادارې (فرنټییر ورکس ارګنایزېشن یا اېف ډبلیو او) ګاډی له بنو څخه شمالي وزیرستان ته پر لاره وو چې له سپینوام څلورلارې سره نېږدې یو "۱۷ یا ۱۸ کلن هلک" چې ځان یې په کمپله (کمبل) پوښلی وو، برید وکړ.

بنو او شمالي وزیرستان کې د پولیو ۵ ورځنی واکسیني کیمپېن کېږي

سږ کال په خیبر پښتونخوا کې د پوليو ۲۰ پېښې ثبت شوې دي چې ۱۷ ناروغان د شمالي وزیرستان، دوه د لکي مروت او یو د جنوبي وزیرستان دی.

د بونېر خلک وايي حکومت دې د وسله والو د ورتګ مخه ونیسي

د وزیراعلا ویاند بیرسټر محمد علي سیف ویلي چې نه خو یې له تحریک طالبان پاکستان سره مذاکرات کړي او نه یې هم وسله والو ته سیمې ته د ستنیدو اجازه ورکړې ده.

مسید مشران: امنيت ټينګول د امنيتي ادارو کار دی، موږ امن کمېټۍ نه شو جوړولای

میرکلام: د خیبر پښتونخوا څه کم پنځه میلیونه ماشومان له سکولونو بهر دي

میر کلام وزیر چې په صوبایي اسمبلۍ کې د شمالي وزیرستان استازی دی په خپل تحریک التوا کې یې ویلي چې تر ټولو زیات ۶۶ فیصده ماشومان په شمالي وزیرستان کې په موجوده وخت کې سکولونو ته نه ځي. د دغو ماشومانو عمرونه د پینځو نه تر ۱۶ کالونو پورې ښودل شوي دي.

رپورټ: پاکستان کې د ترهګرۍ پېښې ۵۱ فیصده لوړې شوې دي

د سولې مطالعاتو مرکز په رپورټ کې د ملګرو ملتونو په حواله راغلې ده چې د طالبانو حکومت په افغانستان کې د بهرنیو وسلوالو د فعالیتونو پرضد موثر اقدامات نه دي کړي. رپورټ وايي، له افغانستانه د ټي ټي پي د وسلوالو پاکستان ته ستنېدو ولس وېرولی دی.

د پاکستان حکومت په قبايلي سيمو کې د بې کاغذه ګاډو چلولو رعايت ختموي

د خیبر سیاسي اتحاد مشر شاه حسېن شینواري وايي چې وفاقي حکومت په ۲۰۱۸ز کال کې د فاټا په خیبر پښتونخوا کې ورګډېدو پر وخت د قامي مالياتي کميسيون (این ایف سي اېوارډ) له پيسو څخه درې سلنه برخې ورکولو ژمنه کړې وه. نوموړی زياتوي، حکومت دې لومړی هغه ژمنه پوره کړي.

د خیبر پښتونخوا پولیسو مشر وايي راتلونکو میاشتو کې به د سوات امنیت ښه شي

انصاري دا څرګندونې پر داسې وخت کړې دي چې په وروستیو کې په سوات کې د وسلوالو د منظمېدو په اړه د اوسېدونکو او سیاسي ګوندونو اندېښنې زیاتې شوې دي او د ناامنۍ ضد یوشمېر مظاهرې شوې دي.

جنوبي وزيرستان: د انګور اډې اوسېدونکو پرلت پای ته رسولی

هغوی له تېرو پينځو ورځو راهیسې غوښتنه کوله چې حکومت دې ورته د ژوند بنیادي اسانتیاوې ورکړي او د هغو امنیتي سرتېرو پر ضد دې قانوني کارروايي وشي چې د دوی په وينا، د اکتوبر پر ۱۶مه یې پر مظاهرچیانو ډزې کړې وې.