پښتونخوا او قبایل

د پاکستان حکومت په قبايلي سيمو کې د بې کاغذه ګاډو چلولو رعايت ختموي

د خیبر سیاسي اتحاد مشر شاه حسېن شینواري وايي چې وفاقي حکومت په ۲۰۱۸ز کال کې د فاټا په خیبر پښتونخوا کې ورګډېدو پر وخت د قامي مالياتي کميسيون (این ایف سي اېوارډ) له پيسو څخه درې سلنه برخې ورکولو ژمنه کړې وه. نوموړی زياتوي، حکومت دې لومړی هغه ژمنه پوره کړي.

د خیبر پښتونخوا پولیسو مشر وايي راتلونکو میاشتو کې به د سوات امنیت ښه شي

انصاري دا څرګندونې پر داسې وخت کړې دي چې په وروستیو کې په سوات کې د وسلوالو د منظمېدو په اړه د اوسېدونکو او سیاسي ګوندونو اندېښنې زیاتې شوې دي او د ناامنۍ ضد یوشمېر مظاهرې شوې دي.

جنوبي وزيرستان: د انګور اډې اوسېدونکو پرلت پای ته رسولی

هغوی له تېرو پينځو ورځو راهیسې غوښتنه کوله چې حکومت دې ورته د ژوند بنیادي اسانتیاوې ورکړي او د هغو امنیتي سرتېرو پر ضد دې قانوني کارروايي وشي چې د دوی په وينا، د اکتوبر پر ۱۶مه یې پر مظاهرچیانو ډزې کړې وې.

د سیاسي فعال سید عالم مسید زوی وايي ورته ګواښونه کېږي

د پېښور د پولیسو د ځانګړې څانګې (سپېشل برانچ) یوه چارواکي له رسنیو سره د خبرو اجاز نه لرلو له وجې د نوم نه ښوولو په شرط مشال راډیو ته وویل چې تیمور عالم مسید خپل ژوند ته د خطر په اړه د حیات اباد په تاڼه کې رپورټ دایر کړی دی.

کورمه کې د قامي اسمبلۍ پر خالي څوکۍ د اکتوبر پر ۳۰مه انتخابات کېږي

د روان کال د اکتوبر پر ۱۶مه د پاکستان قامي اسمبلۍ پر اتو او پنجاب صوبايي اسمبلۍ پر درو څوکيو ضمني انتخابات وشول خو په کورمه کې د ناامنۍ له کبله ځنډول شوي ول.

سوات کې مظاهرچیانو د ناامنيو د مخنيوي غوښتنه کړې ده

دوی دا غوښتنه په داسې کې حال کړې چې په خيبر پښتونخوا کې د تحریک انصاف حکومت دی او خپله د اعلا وزیر محمود خان تعلق هم له سوات سره دی.

بنو کې د پاکستان تحریک انصاف د زده کوونکو سازمان پخوانی ځايي مشر وژل شوی

د بنو کېنټ پولیسو مشال راډيو ته په ليږلو معلوماتو کې ويلي چې د اکتوبر پر ۱۷مه، نامعلومو وسله والو د انصاف سټوډنټس فيډرېشن د بنو پخوانی مشر عرفان الله وواژه او د هغه ساتونکی یې ژوبل کړ.

د کورمې ولس د قامي اسمبلۍ پر خالي شوې چوکۍ د انتخاباتو غوښتنه کوي

د قامي اسمبلي د کورمې څوکۍ د پاکستان تحريک انصاف د غړي ملک فخر زمان تر استعفا وروسته خالي شوې ده. د ۲۰۲۲ز کال په اپريل مياشت کې چې کله د هغه وخت وزيراعظم عمران خان پرضد په قامي اسمبلۍ کې د بې باورۍ تحريک بريالی شو نو د ملک فخر زمان په ګډون د ياد ګوند ۱۲۳ غړيو استعفاوې ورکړې وې.

د باړې سیاسي اتحاد وايي امن لښکرې نه شي جوړولی، پوځ دې امنيت پخپله وساتي

جنوبي وزيرستان په دوه برخو ويشل شوی، مسيد قام د امن لپاره لاریون کړی

جنوبي وزیرستان کې د امنیتي ځواکونو لخوا پر مظاهره چيانو د ډزو ادعا شوې

په احتجاج کې شامل احسان وزیر د مشال رېډيو ته وويل چې دوی د اکتوبر له ۱۴مې راهيسې د خپلو غوښتنو لپاره پرلت وهلی دی چې په ادعا يې پرون ( اکتوبر ۱۶مه) امنيتي ځواکونو ورباندې ډزې وکړې.