باز محمد عابد په ننګرهار کې د مشال راډیو خبریال دی چې د افغانستان د ختیز ولایتونو پر چارو رپورټونه جوړوي.
د افغان پرمختیايي لوبډلې لپاره دغه ستاینغونډه د جلال اباد ښار سراج العمارت بڼ ختيځ کريکټ اکاډیمۍ کې د پنجشنبې په ورځ جوړه شوې وه چې د کريکټ په سلګونو مینه والو په کې ګډون کړی و.
د سولې او پيوستون لپاره همکارې موسسې په ننګرهار کې د تاوتریخجن افراطیت سره د مبارزې په وړاندې دوه ورځنی کنفرانس د چارشنبې په ورځ پیل کړ. د يادې ټولنې مسوولین وايي چې دوی به د افراطیت په اړه په کنفرانس کې نظریات راټولوي او بیا به يې د دولت د پالیسۍ په بهير کې شاملوي.
د افغانستان په ختیځ زون کې د پوليو یا ګوزڼ د مخنيوي درې ورځنی کمپاین پیل شو. د روغتیا چارواکي وايي چې په ختيځ کې به تر یو ميليون پورې هغو ماشومانو ته د پوليو پر ضد د ويکسينو دوه څاڅکې ورکول کيږي، چې عمرونه يې تر پينځو کلونو کم وي.
د ننګرهار په بهسودو ولسوالۍ کې د يو، ايس، ای، ای، ډي په مرسته د یو نيم ميليون ډالرو په ارزښت د وریجو د پروسس او بسته بندۍ فابريکه ګټې اخيستنې ته پرانستل شوه. مسوولين یې وايي چې دغه فاربریکه په یوه ساعت کې پینځه ټنه وریجي پروسس او بسته بندي کوي.
د ننګرهار د عامې روغتیا رييس ډاکټر نجیب کاموال وویل، له شخصي انسټټيوټ نه فارغ شوي نجونې او هلکان کولای شي چې په دولتي او شخصي روغتونو کې دندې تر سره کړي.
د افغانستان د ملي یووالي حکومت اجراییه رييس ډاکټر عبدالله عبدالله د سولې په لار کې د پير سيد احمد ګيلاني هڅې وستایلې او ژمنه يې وکړه چې افغانستان ته د سولې راستو په برخه کې به د ارواښاد لار تعقیبوي.
د افغانستان د ختيز زون په کچه د ګوزڼ د مخنيوي په اړه د همغږۍ يوه غونډه په جلال اباد کې جوړه شوې وه. په دغه غونډه کې په ۲۰۱۶ م کال کې د ګوزڼ کمپاين پر وړاندې پرتې ستونزې په ګوته شوې او د ۲۰۱۷ کال لپاره یې ورته پلان جوړ کړ.
د ننګرهار د عامې روغتیا ریاست په دغه ولایت کې د پخته ورګو يا ګردو د روغتون د فعالیدو په موخه د پاکستان پلازمېنې اسلام اباد ته ۷۵ تنه ډاکټران د روزنې په خاطرد جنورۍ په څوارلسمه او پينځلسمه نيټه ليږي.
د افغانستان د ننګرهار چارواکي وايي چې د ملي امنيت سرتېرو دوه انسان تښتوونکي له يوه ډاډسن موټر سره په داسې حال کې نيولي چې د سرحدي پوليسو یونيفورم يې اغوستی وو او ځانونه يې د سرحدي پوليسو له هغې ډلې څخه شمېرل چې له ملي امنيت سره په همغږۍ دنده تر سره کوي.
په ننګرهار کې د چرګانو د خوراکي توکو د توليد فابریکې په کار پيل وکړ. مسوولین وايي چېد فابریکې په جوړېدو څه کم پينځه میلیونه امریکايي ډالر لګښت راغلی دی. دا فابریکه به په ۲۴ ساعتونو کې ۲۴۰ ټنه د چرګانو خوراکه تولیدوي او په درې شيپټونو کې ورسره ۱۸۰ تنهپه کار بوخت دي.
د ننګرهار ولایتي ادارې د یوې غونډو په ترڅ کې د دغه ولایت د ملي امنیتي ځواکونو يو شمير سرتيري د هغوی د ښو لاسته راوړنو له امله په ستاینلیکونو ونازول.
له کابله د ورغلي پلوي مشر ستر جنرال سید عبدالغفار سید زاده وویل، په دغه قضیه کې چې هر چا غیر مسوولانه لاسوهنه کړې ده، هغوی به هم ونیسي او څارنوالي ته به يې د پلټنو لپاره ولېږي.
د کډوالو نړیواله ورځ په جلال اباد ښار کې په داسې حال کې ولمانځل شوه چې دغه ولایت ته راستانه شوي کډوال د سرپناه د ستونزې ترڅنګ نورې ګڼې ستونزې هم لري.
په ننګرهار کې د باروړونکي لاريو د اتحاديې احتجاج نن په پينځمه ورځ هم دوام لري. د باروړونکو لاریو مالکان او ډریوران وايي چې د دوی احتجاج به تر هغې دوام وکړي څو پورې چې يې غوښتنو ته مثبت ځواب نه وي ویل شوی.
د ننګرهار امنیتي چارواکي دعوه کوي چې د قبایلي سيمې خیبر ایجنسې باړې سره تعلق لرونکي دوه تنه چې ځانمرګو بریدونو ته چمتو شوي ول، په جلال اباد ښار کې نیولي دي.
د ننګرهار چارواکي وايي چې په بیلابیلو جنايي پيښو کې يې په سلګونه کیلو ګرامه چرس او د کروړونو افغانيو په ارزښت قیمتي ډبرې تر لاسه کړي او په تړاو يې څو تنه نیولي هم دي.
د ننګرهار ولایتي ادارې د توحید ټولنيزو او پراختیايي چارو له موسسې سره د ځوانانو تړون د نوښت تر سرلیک لاندې يو قرارداد لاسليک کړ چې له مخې به يې د ننګرهار په شپږو ولسواليو کې د کليوالي پرمختیا، فلاح او بهبود لپاره د ځوانانو شوراګانې جوړې شي.
د افغانستان د روغتیا چارواکي وايي چې د ۱۹۸۹ میلادي کال راهيسې په ټول افغانستان کې ۲۰۲۷ تنه د ايچ، ای، وي، ایډز په ناروغۍ اخته شوي چې ۶۳ سلنه يې نارینه او ۱۷سلنه يې ښځینه دي.
د ننګرهار د کار، ټولنيزو چارو، شهيدانو او معلولينو ریاست د معلولینو نړیواله ورځ د يوې غونډې په ترڅ کې ونمانځله.
په ننګرهار کې د ښځو په وړاندې د تاو تریخوالي د مخنيوي په غرض شپاړس ورځنی کمپاين پیل شو. چارواکي وايي چې لا هم په لرو پرتو سيمو کې ښځې له ډول ډول ستونزو سره مخ دي.
نور وښیئ
