په افغانستان کې د ملګرو ملتونو مرستندېوه ماموریت یا یوناما په دغه هېواد کې د ولسي جرګې د راتلونکو انتخاباتو د خوندیتوب په اړه اندېښنه څرګنده کړې. د افغانستان لپاره د ملګرو ملتونو د عمومي منشي ځانګړي استازي ویلي، چې د ولسي جرګې د انتخاباتو د امنیت او شفافیت لپاره دې ډیر څه وشي.
سره له دې چې د افغانستان د ولسي جرګې انتخاباتو ته لږې ورځې پاتې دي، د انتخاباتو خپلواک کمیسیون د انتخاباتو په بهیرکې پر بشپړ امنیت ډاډمن نه دی. د افغانستان د انتخاباتو د خپلواک کمیسیون ريیس چې په دې وروستیو کې د انتخاباتي تېارېو د څارلو په مقصد د هېواد څو ولایتونو ته تللی و
د هلمند ولايت په نادعلي ولسوالۍ كې د افغان او ايساف ځواكونو ګډ چاڼيزعمليات پيل شوي دي. دغه عمليات كه څه هم لوي عمليات نه دي خو چارواكي وايي، چې د راتلونكو پارلماني ټاكنو لپاره د امنيت د ټینګښت په خاطر يي پيل كړي دي. دغه عمليات، د خپل نوبت لمړي عمليات دي چې د افغان ملي اردو، ملي پوليس، ملي امينت او ايساف ځواكونه تر يوې قوماندې او هم غږۍ لاندې ترسره كيږي.
د افغانستان د انتخاباتي شكايتونو كميسيون د اتو تنو هغو كانديدانو نومونه چې له خپلو دولتي دندو څخه يې استعفا نه وه كړې د ولسي جرګې د كانديدانو له وروستي لست څخه وايستل. د دغه كميسيون وياند احمد ضيا رفعت د شنبې په ورځ په كابل كې خبريالانو ته وويل چې ټاكل شوې د يو شمېر نورو كانديدان نومونه هم چې له خپلو دولتي دندو څخه يې استعفا نه ده كړې د كانديدانو له وروستي لست څخه وايستل شي.
يوشمېر ښځې چې نومونه يې ولسي جرګې ته د كانديدانو له لست نه غورځول شوي دي، غواړي چې د انتخاباتو خپلواك كميسيون خپله پريكړه بيرته واخلي. دوي وايي په تېرو دوو مياشتو كې يې كمپاينونه وكړل، پلويان يې وموندل او اوس چې د كانديدانو له لست نه غورځول كيږي دا عادلانه نه ده.
افغان حكومت د ولسي جرګې د راتلونكو انتخاباتو له كانديدانو څخه غوښتي، چې د بريا لپاره دې له پيسو او زور څخه كار وانخلي. ولسمشر كرزي د جمعې په ورځ په راډيو يي وينا كې وويل ، چې انتخاباتي مبارزې او د ډېرو راېو د ګټلو لپاره هڅې د هركانديد حق دى، خو دغه حق بايد په قانوني چوكاټ كې پلي شي. په همدې حال كې د افغانستان د انتخاباتو خپلواك كميسيون هم وايي، چې هېڅ كانديد د بريا لپاره نا مشروع لاره نشى غوره كولى.
د سېلاب د مركزي قول اردو قوماندانۍ په پام كې لري، چې د ولسي جرګې تر انتخاباتو پورې د افغانستان يوولس ولايتونه ترامنيتي پوښښ لاندې راولي. د دغه قول اردو قوماندان جنرال محمدرحيم د پنجشنبې په ورځ خبريالانو ته وويل، چې د ولسي جرګې ترانتخاباتو پورې به په يو شمېر ولايتونو كې په انتخاباتو كې د خلكو د ګډون لپاره پوځي اوتصفيوي عمليات ترسره كړي.
د افغانستان د انتخاباتو خپلواك كميسيون وايي، چې د ولسي جرګې انتخاباتو ته پوره تيارى لري او دغه انتخابات به پرته له كوم خنډ څخه په شفاف ډول ترسره شي. د افغانستان د انتخاباتو كميسيون دغه شان د افغان دولت له وسلوالو مخالفينو وغوښتل چې د دغې ملي بهير له ګډوډولو څخه لاس واخلي.
د افغانستان د انتخاباتي شكايتونو كمېسيون وايي، چې د كانديدانو په اړه شكايتونه څېړي او دې كار ته دوام وركوي، د همدې كمېسيون يو غړي د يكشنبې په ورځ تر غرمې وروسته په كابل كې خبريالانو ته وويل، چې د لسګونو داسې كسانو دوسيې څېړي چې تر اوسه يې له خپلو دندو څخه استعفا نه ده وركړې خو كانديدان دي.
د افغانستان د انتخاباتو خپلواكه كميسيون د ولسي جرګې انتخاباتو ته د كانديدانو وروستى لست، چې نومونه يي د رايې وركولو په پاڼوكې چاپ شوي اعلان كړ. د دغه كميسيون رئيس فضل احمد معنوي د پنجشنبې په ورځ په كابل كې په يوه خبري كنفرانس كې وويل، چې دغه لست د انتخاباتو د شكايتونو د اورېدو د كميسيون له څېړنې وروسته بشپړ شوى دى، ښاغلي معنوي زياته كړه، چې د رايې وركولو د پاڼو د چاپ كار له هېواده بهر شوى.
د افغانستان د انتخاباتو د كميسيون د رسنېوكميسيون د كابل او ولايتونو خبريالانو ته يوه روزنيزه دوره پيل كړې، په دې دوه ورځنۍ دوره كې به يو شمېرخبريالانو ته د انتخاباتو او انتخاباتي كمپاين په اړه د رپوټ د برابرولو په اړه زده كړه وركړل شي. بل خوا يو شمېرخبريالانو شكايت كړى، چې د انتخاباتي كمپاينونو په اړه د راپور وركولو په برخه كې ګواښل كيږي او له امنيتي ستونزو سره مخ دي.
د افغانستان د انتخاباتي شكايتونو د اورېدلو كميسيون د ولسي جرګې د كانديوانو له وروستي لست څخه د ۳۱ نومونه د توږلو خبره كوي، د دوى په وينا دغه كانديدان د غير مسولو وسلوالو ګروپونو سره په تړاو تورن دي. د افغانستان د انتخاباتي شكايتونو د اوريدلو د كميسيون غړي او وياند احمدضيا رفعت به کابل كې خبريالانو نور جزيات هم وركړي.
نور راوښيه
