د کډوالۍ نړیوال سازمان (IOM) له نړیوالې ټولنې غوښتي چې له پاکستانه ستنو شویو افغان کډوالو ته خپلې مرستې زیاتې کړي او دغه ناورین ته پام واړوي. په ورته وخت کې یو شمېر هغه افغانان چې تازه له پاکستانه ایستل شوي وايي، بېړنیو مرستو ته سخته اړتیا لري.
د روغتیا نړیوال سازمان (WHO) خبرداری ورکړی چې د امریکا د مرستو د ځنډیدو له امله ښايي د روان کال تر پایه د افغانستان له لس سلنې زیات اوسېدونکې له روغتیايي خدمتونو بې برخې شي.
د نجونو او ښځو د حقونو ملاتړه د بهر میشتو افغانو جرګه وايي، تمه لري چې دا ځلي د طالبانو حکومت سره خبرې یې یوه ملموسه پایله ولري.
د منځني ختیځ د چارو لپاره د امریکا ځانګړی استازی او له ایران سره د خبرو اترو لپاره د امریکا د پلاوي مشر سټیف ویټکوف ویلي دي چې ایران باید د یورانیمو له غني کولو او اټومي فعالیتونو لاس واخلي.
د افغانستان د خبریالانو د ملاتړ سازمان (AJSO) د پاکستاني پولیسو له خوا د افغان خبریالې فرشته سدید نیول د کډوالو د حقونو نقض ګڼلی او د هغې د ژر تر ژره خوشې کېدو غوښتنه یې کړې ده.
له ایران او پاکستانه د افغان کډوالو د ایستلو د پروسې په چټکېدو سره یو شمېر افغانان چې په وروستیو کې دې هیوادونو افغانستان ته ستانه شوي وايي دوی سرپناه نه لري او دا چې د کرایې کورونو بیې هم خورا لوړې شوي دي.
د جرمني بیلډ ورځپاڼې راپور ورکړی چې د جرمني د کورنیو چارو وزارت ویلي دي چې په شپاړس الوتکو کې به ۲۶۰۰ افغان کډوال له اسلام اباد نه جرمني ته انتقال کړي.
د سپینې ماڼۍ د مدیریت او بودیجې دفتر د بهرنیو چارو وزارت د بودیجې د نږدې ۵۰ سلنې کمولو لپاره یو وړاندیز کړی دی.
د ایران د بهرنیو چارو وزارت وایي چې د امریکا او ایران ترمنځ به د ا ټومي خبرو اترو دوهم پړاو هم په عمان کې ترسره شي. د ایران د بهرنیو چارو د وزارت دا بیان د ایټالیا د بهرنیو چارو د وزیر انتونیو تاجاني له وینا سره په ټکر کې دی چې ویلي یې و دا خبرې به په پلازمینه روم کې وي.
د خوړو نړیوال پروګرام وايي، په افغانستان کې د انفلاسیون کچه مخ په لوړېدو ده او ډیری هغه افغانان چې له پاکستانه ستانه شوي بیړنیو بشري مرستو ته اړتیا لري. ډبلیو ایف پي په خپل میاشتني راپور کې ویلي د متحده ایالاتو د بشردوستانه مرستو ځنډ د افغانستان د زيانمنو وګړو د خوراکي خونديتوب لپاره ستر ګواښ دی.
