د بغلان پولیسو د نورو امنیتي ارګانونو په همکارۍ په پلخمري ښار کې د نامسؤله وسله والو په نیولو او د تورو ښیښو لرونکو موټرو په راټولولو پیل وکړ. دغه اقدام که څه هم تکراري دی خو په کلک هوډ تر سره کېږي.
د کندهار د میوند ولسوالۍ په درېیو کلیو کې چې د وسله والو مخالفینو تر تهدید لاندې دي پوځي عملیات پیل شوي دي. په کندهار کې د ازادي راډیو خبریال د افغان ځواکونو سره په دغو عملیاتو کې د خبري پوښښ په هدف مل دی. د بشپړ ویډیويي راپور اورېدو لپاره د ښاغلي محمد صادق رښتیني چمتو شوی راپور وګورئ:
په هرات کې اعتراض کوونکي چې د ولايتي شورا د رئيس په ملاتړ وتلي، د دغه ولايت لويې لارې يې وتړلې. دوى د اداري فساد پر وړاندې د مبارزې د اختصاصي محکمې د حکم لغوه کېدل غواړي.
په هرات کې ولایت کې د ښځو پر وړاندې د تاوتریخوالي د زیاتېدو په اړه اندیښنې زیاتې شوي دي. د هرات سیمه ییز چارواکي وايي، یوې ښځې او مېړه له لظفي شخړې وروسته ځان وژنه کړې ده.
په فنلنډ کې شاوخوا ۲۵۰۰ افغان پناه غوښتونکي چې دوسیې یې رد شوي په اجباري ډول افغانستان ته استول کېږي.
د افغانستان لپاره د ملګرو ملتونو د ځانګړي استازي معاون توُبی لنزر د پنجشنبې په ورځ ننګرهار ته د خپل سفر پرمهال په دې ولایت کې له پاکستانه د تازه راستنو شویو کډوالو جاج واخیست. له پاکستانه تازه راستنې شوې کورنۍ وايي اوسنۍ کومه مرسته چې د یو ان ایچ سي ار لخوا ورسره کيږي د دوی لپاره بسنه نه کوي.
ولسمشر محمد اشرف غني په سنګاپور کې د دغه هیواد له صدراعظم لي ساین لونګ سره د جمعې په ورځ وکتل. ښاغلي غنی او ښاغلي لي د افغانستان او سنګاپور تر منځ په تخنیکي برخه کې د موافقې د لاسليک په غونډه کې هم ګډون وکړ. تر دې مخکې ولسمشر غني استرالیا او اندونيزیا ته تللی وو.
امریکا شااوخوا ۶۰ توموهوک توغندي د مدیترانې په سمندر کې د امریکا له جنګي بېړیو پر سوريې ویشتل شوي دي. د امریکا ولسمشر ډونالډ ټرمپ د دې برید له امر ورورسته وویل: د سوريې دیکتاتور بشار اسد د بې ګناه ملکي وګړو پر ضد د کیمیاوي وسلو ویرونکی برید وکړ، اسد د بې وزله سړو، ښځو او ماشومانو ژوند واخیست.
د امریکا دوو جنګي بيړيو د پنجشنبې په ورځ د سوريې په جنوب کې پر یوې هوايي اډه توماهاک کروز ميزايل وتوغول. دغه جنګي بيړۍ په ختيځ مدترانه کې ځای پر ځای دي. امریکا وایی، له همدې هوايي اډې څخه الوتکو د سوريې پر ادليب ښار د سې شنبې په ورځ کمياوي بمونه غورځولي وو چې پکښي ګڼ شمېر ملکيان ووژل شول.
په کندهار کې د مدني ټولنو یو شمېر غړو د يوه کنفرانس پر مهال وويل چې سياسيون دې د پاکستان سره معاملې نکوي او نه دي د قومونو په منځ کې نفاق جوړوي.
روسي چارواکو وويل د سانت پيترزبورګ ښار په ميترو کې د بمي چاودنې په نتيجه کې ګڼ شمېر کسان وژل شوي دي. په سیمه کې د بيړنيو مرستو لپاره هلي کوپتر او امبولانسونه لیدل کېدل.
پاکستاني چارواکي وايي چې شمالي وزیرستان کې د پاکستان د پوځ له عملیاتو وروسته د روسیې یوه پوځي پلاوي دې قبایلي سیمې ته سفر کړی.
نور راوښيه
