16-январда Катардын Доха шаарында өтүп жаткан Азия кубогунда Кыргызстандын улуттук курама командасы Тайланддын футболчулары менен беттешип, 0:2 эсебинде жеңилди.
Кыргызстандык шахматчылар Чехиянын борбору Прага шаарында өткөн "Prague Open" эл аралык шахмат фестивалында ийгилик жаратышты. 8-январдан 12-январга чейин созулган бул турнирге 42 өлкөдөн 400гө жакын адам катышты. Анда кыргызстандык үч шахматчы алдыңкы орундарга ээ болду.
12-январда башталган мелдеш 10-февралга чейин уланат. Тайпалык оюндар 25-январга чейин өтөт. Ар бир тайпадан экиден команда жана үчүнчү орунга ээ болгон төрт мыкты команда плей-оффко же болбосо 1/8 финалга жолдомо алат.
Катарда Кыргызстандын курама командасы экинчи жолу Азия Кубогу үчүн ат салышканы турат. Улуттук курама 2019-жылы алгачкы жолу Азия кубогуна чыгып, 1/8 финалга чейин жеткен. “Азаттык” ал оюндарда кураманын чабуулчусу болгон Виталий Люкс менен маектешти.
Былтыр дүйнө чемпионаты өткөн Катарда бүгүн, 12-январда футбол боюнча Азия чемпионаты башталууда. Катар менен Ливан курамалары Азия Кубогунун алгачкы беттешин өткөрөт. Оюн Лусаил стадионунда, Бишкек убактысы боюнча 22:00дө башталат.
Бишкекте күрөш боюнча Кыргызстандын чемпионаты өтүүдө. Мелдештин биринчи күнүндө беш салмактан чемпиондор аныкталды. Соңку жылдары кыргыз балбандары эл аралык мелдештерде чоң ийгиликтерди жаратууда. Чемпионатты уткандар Париж Олимпиадасына катышуу үчүн лицензиялык мелдештерге барат.
Кыргызстандын курама командасы Азия Кубогунун алдындагы акыркы даярдыктарды көрүп, алгач Ысык-Көлдө машыкса, 19-декабрдан бери Бириккен Араб Эмираттарында текшерүүчү оюндарды өткөрүп жатат.
Ысык-Көлдүн Түп районундагы Сары-Тологой айылында Махабатты айылдыктар "улакчы кыз" деп билишет. Аттын сырын мыкты билген кыз улак тартуудан тышкары азоо аттарды таптап, үйрөтүп да жүрөт. Азыр балдар менен ойноп, байге алып жүргөн кыз келечекте айылда улакчы кыздар тобун курагысы келет.
2023-жыл кыргыз спортчулары үчүн ооматтуу болду. Өзгөчө күрөш боюнча эл аралык мелдештерде Кыргызстандын курамасы дүйнөлүк рейтингдердин сап башына чыга алды.
Базар-Коргондун Аук айылынын четте иштеп жүргөн мигранттары туулган жерине футбол аянтчасын куруп беришти. Ага кеткен беш миллион сомду мигранттар көтөрсө, кара жумушун айыл тургундары жасаган. Жаңы аянтчада күндүз мектеп окуучулары дене тарбия сабагын да өтүшөт.
Мамлекеттик тууну өзгөртүү жөнүндө мыйзам долбоорун парламент биринчи окууда кабыл алды. Ал арада коомчулук, жаштар бул демилгеге каршы экенин билдирүүдө.
Дагы жүктөңүз
