Медиада, интернетте жалган маалымат тараткандарга ири айып пул салган мыйзам долбоору парламенттин комитетинде биринчи окууда өттү. Укук коргоочулар жана юристтер мыйзам мамлекеттик органга курал болуп калат деп кооптонуп жатышат. Астанада Борбор Азия өлкөлөрү менен Германиянын С5+1 форматындагы экинчи саммити жыйынтыкталды. Анда буга чейин укук коргоо уюмдар эске салган адам укуктарынын абалы тууралуу маселе талкууландыбы же жокпу белгисиз. Орусияда мигранттарга каршы кезектеги рейдде беш жүздөн ашык киши кармалды. Арасында орус жарандыгы бар 92 кишиге аскердик комиссариатка чакыруу кагазы тапшырылды.
Кыргызстан
шейшемби 17 Сентябрь 2024
17-сентябрда Астанада С5+1 форматында Борбор Азия - Германия саммити өттү. Лидерлер биргелешкен декларацияга кол коюшту. Саммитте экономикалык жана энергетикалык ызматташтыкка көбүрөөк көңүл бурулду. Адам укуктарынын абалы тууралуу маселе козголдубу же жокпу азырынча беймаалым.
