Мындан бир ай мурда АКШнын Пенсильвания штатында 37 жаштагы Бегайым Самудунова жол кырсыгында каза болду. Ал трак айдап баратканда кырсыкка кабылып, автоунаа өрттөнүп, Бегайым сыртка чыга албай калган. Ал эми жанындагы өнөгү оор жаракат алып, ооруканага жеткирилген. Бишкекте Жогорку сотто 11 жыл иштеп, төрт жыл мурун “америкалык кыялыма” жетем деп АКШга барган маркумдун ата-энеси, бир туугандары менен “Мигрант Медиа” маектешип кайтты.
Кыргызстан
шаршемби 11 Сентябрь 2024
АКШда президенттикке талапкерлер Камала Харрис менен Дональд Трамптын шайлоо алдындагы дебаты өттү. Атаандаштар 90 мүнөттөн ашуун экономика, мыйзамсыз миграция, Украина, Жакынкы Чыгыштагы согуш сыяктуу маселелерде талашып-тартышты. Юстиция министрлигинин “Чет элдик өкүл реестрине” үч уюм катталды. Арасында Жаш ишкерлердин бизнес ассоциациясы да бар. Астана шаарында V Дүйнөлүк көчмөндөр оюндары уланууда. Мелдештин төртүнчү күнүндө жалпы медалдык эсепте Казакстан биринчи, Кыргызстан экинчи орунда келе жатат.
