13-ноябрдын кечинде Бишкекте "Социал-демократтар" партиясынын штабында тинтүү жүрдү. Аны улай партиянын Бишкектеги штабынын башчысы Ирина Карамушкина менен Данияр Чолпонбаев аттуу жарандын сүйлөшүүсү делген аудио тарады. Мурдагы президент Алмазбек Атамбаевдин уулу Кадыр Атамбаев менен Темирлан Султанбеков шаардык милицияда бир нече саат сурак берип чыкты. Партиянын Бишкектеги штаб башчысы Ирина Карамушкина жана тарапташы Роза Турксевер кармалганы маалым болду.
Кыргызстан
шаршемби 13 Ноябрь 2024
УКМКнын тергөө абагында жаткан Бажы кызматынын төрагасынын мурдагы орун басары Райымбек Матраимов эркиндикке чыкканы белгилүү болду. АКШнын Мамдепартаментинин өкүлү Түндүк Кореядан Орусияга жардамга жиберилген аскерлер Курск облусунда согушка киргенин билдирди. ИИМ башкы прокурордун мурдагы орун басары Кубан Адыл уулу жана аны менен кошо кармалган алты адам массалык башаламандык уюштурууга шектелип жатканын билдирди. Шектүүлөрдүн жакындары, адвокаттары комментарий бере элек.
