Биз тездик менен өзгөрүп жаткан глобалдашкан дүйнөдө жашап жатабыз. Дүйнө жүзүндө 280 миллиондон ашуун киши же Жер бетиндеги калктын 3,65% мигрант болуп бөтөн элде жүрөт. Жакшы жашоо издеп, сыртка кеткендер аларды кабыл алган өлкөлөрдүн жана өз мекенинин экономикасына эбегейсиз салым кошот.
Акыйкатчы Жамиля Жаманбаева Ош шаарында 15 жаштагы кызды мажбурлап сексуалдык кулчулукта кармаган адамдарга токтоосуз чара көрүүгө жана кыздын укугун коргоого аймактагы күч түзүмдөрүнүн жетекчилерин чакырды.
Кыргызстанда тоодо жайгашкан 2000ден ашуун көлдүн 370инде жырылуу коркунучу бар. Буга эмне себеп жана анын алдын алууга болобу?
“Орусиянын аймагына чабуулу менен Украина дагы деле таң калтыра аларын баарына көрсөттү”, - дейт казакстандык белгилүү саясат таануучу Досым Сатпаев. Ал украин армиясынын Курск аймагындагы операциясы Орусиянын беделине катуу сокку уруп жатат деп эсептейт.
Кыргызстандын президенти Садыр Жапаров 8-августта Астанага барды. Ал жакта 9-августта боло турган Борбор-Азия+Жапония форматындагы саммитине катышмакчы. Борбор Азия, анын ичинде Кыргызстан Жапония менен алакада кайсы багыттарга артыкчылык бериши керек?
Кыргызстандын Франциядагы элчиси Садык Шер-Нияз Жайкы олимпиада алдындагы Париждеги маанай, даярдык жана күтүүлөрү тууралуу “Азаттыкка” учкай ой бөлүштү.
Бишкекте 2022-жылы март айынан бери митингдерге киргизилген чектөөнүн мөөнөтү улам узарууда. Акция өткөрүүнү каалагандар Максим Горький атындагы бакчага гана чогулса болот. Ош шаарында да ар кандай нааразылык акцияларын өткөрүүгө чектөө киргизилди.
Министрлер кабинетинин 2024-жылдын 24-июнундагы токтомуна ылайык пенсиялык топтоолорду төлөөдө жаңы өзгөртүүлөр кирди.
14-июлда нөшөрлөгөн жаандан улам Ош облусунун аймагында катуу сел жүрүп, адам өмүрү кыйылып, бир катар кыйроолорду алып келди. Селдин себеби катары климаттын өзгөрүүсү айтылууда. Жаратылыш кубулуштарын эске алуу менен бийлик кандай чаралары көрүшү керек жана эмнелерге даяр болгону оң?
Кыргызстанда жарандардын мугалим болуп иштешине тыюу салган кылмыштардын жана оорулардын тизмеси жазылган токтом долбоору 5-июлда коомдук талкуудан алынды.
Кремлдин Украинада уланып жаткан согушунун тушунда борборазиялык мигранттардын ишинде улам кыйынчылыктар жаралып, аларга мамиле барган сайын катаалдашууда.
Дагы жүктөңүз
