"Азаттык" радиосунун Бишкек кеңсесинин журналисти. Кыргыз Мамлекеттик улуттук университетин бүтүргөн.
1-октябрдын кечинде Иран Израилдин бир катар аймактарын баллистикалык ракеталар менен аткылады. Тегерандын бул кадамы АКШ террордук уюм деп тааныган "Хезболла" тобуна каршы Израил армиясынын Ливандагы операцияларына жооп катары каралууда.
Жакынкы Чыгышта кырдаал курчугандан бери Ливандын чек арага жакын тилкесин жана борбор калаасы Бейруттун түштүк райондорун бутага алып келген Израил 30-сентябрдын таңында шаардын борбордук бөлүгүндөгү Кола кварталына абадан чабуул койду.
Израилдин премьер-министри Биньямин Нетаньяху АКШ террордук уюм деп тааныган жана "Хезболла" радикал тобунун лидеринин өлтүрүлүшүн аймактагы коопсуздук үчүн зарыл кадам катары сыпаттады. 29-сентябрда эртең менен Бейрутта абадан сокку урулганы кабарланды.
30-августта Бишкекте президенттик администрациянын жаңы кеңсеси ачылды. Эки жыл салынган имарат түшкөн жер тилкеси, курулуштун долбоору, каржысы боюнча суроолор жаралып, коомчулукта талкуу дагы эле токтой элек. "Азаттык" чөлкөмдөгү коңшу өлкөлөрдүн президенттеринин сарайларына сереп салат.
Украина Орусиянын чек арадагы ондогон айыл-кыштагын ээлеп турат. Алгачкы күндөрдөгүдөй алдыга жылуу тууралуу маалымат жок. Бирок украин президенти бул операция “пландагандай жүрүп жатканын” айтты жана өнөктөштөрдү алыскы аралыкка атууга уруксат берүүнү суранды.
Орусиянын Курск облусунда үч күндөн бери кармаш жүрүүдө. Кремль муну Украинанын "чагымы" деп атоодо, Киев расмий комментарий бере элек.
Орусия менен Батыш камактагы жарандарын айырбаштап бүттү. Орус абактарында отурган оппозициячыл саясатчылар, активисттер жана журналисттер бошотулду. Ал эми Орусия Европада соттолгон агенттерин жана адам өлтүрүүгө айыпталган Вадим Красиковду кайтарып алды.
Сөз эркиндиги кенен өлкөдө коррупция аз болот, андыктан журналистти чектеп же камап койбой, анын эркин иштөөсүнө мүмкүн болушунча ыңгайлуу шарт түзүү зарыл. Мындай пикирин “Азаттыкка” курган маегинде “Журналисттер” коомдук бирикмесинин башкармалыгынын мүчөсү, медиа эксперт Марат Токоев билдирди.
Москва ак ниетин далилдесе, Украина Орусия менен сүйлөшүүгө даяр. Бирок азырынча каршы тараптан андай ишарат байкалбайт. Украин тышкы иштер министри Дмитрий Кулеба Кытайдагы сапары маалында ушундай мазмундагы билдирүү жасады.
Ооганстанда "Талибан" кыймылы башкарган өкмөт эркин ойлонгон активисттерге, саясатчыларга жана журналисттерге куугунтукту күчөттү.
Израилдин аба соккуларынан Газанын түштүгүндө жана борбордук бөлүгүндө соңку суткада дагы 60тан ашуун киши каза болгону кабарланды. Израил согушкерлер колдонуп келген туннелдер жок кылынгандан бери алар сыртта жайкын тургундар жашаган жерлерге аралашып, жашына баштаганын билдирди.
Британияда парламенттик шайлоодо Кир Стармер башында турган Лейбористтер партиясы алдыга чыкты. Алдын ала жыйынтыктырга караганда, алар 410 аймакта жеңди.
Нацизм курмандыктарын эскерүү иш-чарасында эки жылдан бери Орусиянын агрессиясына каршы күрөшүп келаткан Украина Европага нацизм коркунучу кайрадан кайта баштаганын айтты. АКШ Киевдин НАТОго мүчөлүгүн колдобой турганын, бирок Украинага колдоосу токтобосун билдирди. "Тынчтык формуласы" тартуулана турган саммит даярдалууда
Орусия “Талибан” кыймылын террордук уюмдардын тизмесинен чыгарышы мүмкүн. Мындай сунушту 27-майда Ички иштер жана Юстиция министрликтери президентке киргизди. Бул кыймылга Орусияда дээрлик 20 жылдан бери тыюу салынган. Буга чейин Казакстан да талибдерди "кара тизмеден" чыгарган.
Орусияда коргоо министринин орун басары, армиядагы башкы "куруучу" аталган Тимур Ивановго министрликтин буюртмасы менен жүргүзүлүгөн курулуштардын бирине деп мамлекеттен каражат бөлүнгөндө ал "өзгөчө ири өлчөмдө пара алган" деген айып тагылууда.
Кишини тажаткан, өзүн гана көкөлөткүсү келген, мыкаачы жана психопат... Казакстанда аялынын өлүмүнө айыпталып жаткан мурдагы министрдин окуясынан улам коомчулукта “Зордукчул адам деген ким, аны кантип аныктаса жана коргонсо болот?” деген суроонун тегерегинде талкуу күчөдү.
АКШнын аскердик жардамынын жаңы топтому, анын ичинде алыска сокку ура алчу ATACMS ракеталары Киевге кийинки аптада жөнөтүлүшү мүмкүн. Бул тууралуу CBS News телеканалына сенатор Марк Уорнер билдирди. АКШ Конгрессинин Өкүлдөр палатасы 61 млрд доллар жардам тууралуу мыйзам долбоорун кабыл алды.
20-апрелден тартып тажик жарандарына Түркияга визасыз киришине тыюу салынат. Талдоочулар буга Орусиядагы теракт үчүн кармалган шектүүлөрдүн көбү теги тажикстандыктар экени түрткү болгонун айтышууда.
Кыргызстандын Чехиядагы ардактуу консулу Саадат Даминова Европадагы кыргызстандык кыз-келиндердин алгачкы форуму, миграция маселелери тууралуу "Азаттыкка" маек курду.
Орусияда шарты катаал түрмөдө табышмактуу жагдайда каза болгон оппозиционер саясатчы Алексей Навальныйдын сөөгү туугандарына бериле элек. Маркумдун жубайы күйөөсүнүн иши улантууга убада берди. АКШ Орусияга каршы санкциялардын ири пакетин жарыялады.
Дагы жүктөңүз
