ҚАҢТАР ОҚИҒАСЫ

"Дикий Арман" 20 жылға сотталды. Одан өзге 43 адам да кінәлі деп танылды

27 қаңтарда Алматыда 2022 жылғы Қаңтар оқиғасы кезінде "адам ұрлау", "билігін асыра пайдалану", "жаппай тәртіпсіздікке қатысу" қылмысты әрекеттерге қатысы бар деген айып тағылған 44 адамға сот үкімі шықты.

Қаңтар құрбандары: Ерлан Жағыпаров пен Әуез Қапсалановтың қазасы мен сот процесі

Алматы қаласының тұрғындары, 2022 жылғы Қаңтар оқиғасы кезінде қаза тапқан Ерлан Жағыпаров пен Әуез Қапсалановтың ісі жөніндегі материалда кеудеден тиген оқ ішкі органдарға зақым келтіргені айтылған. Сот екі азаматтың өлімінен кейін үш жылдай уақыт өткенде, 2024 жылдың желтоқсан айында басталды.

Демеушісі құпия фильм шықты. Қаңтар "бейберекет" пе?

Қаңтар оқиғасы туралы "Қайталанбасын" фильмі жарыққа шықты. Туынды дүрбелеңнің қалай басталғанын көрсетпейді, Қаңтарда оққа ұшқандар туралы айтпайды. Продюсер Анар Жүнісова 2022 жылы түсірілімі басталған фильмге кім демеуші болғанын ашық айтпай келеді.

"Оның Америкада қалғанын қалар едім". АҚШ-та ұсталған "Вагнер" жалдамалысы, қазақстандық Тимур Пірәлиев туралы не белгілі?

Мәсімов қай елдің "агенті?"

Қаңтар оқиғасына байланысты ҰҚК бұрынғы төрағасы Кәрім Мәсімов қамалғаннан бері үш жыл бойы Астанада тергеу изоляторында отыр. Ол былтыр 18 жылға сотталған. Мәсімовке қатысты тағы екі қылмыстық іс қозғалып, тергеу жүріп жатыр. Мемлекеттік арна оны әлдебір "шетелдің агенті" деп атады.

Айтылмаған шындық, ашылмаған құпия. Қаңтардың 3 жылы. – AzatNEWS | 06.01.2025

2022 жылғы Қанды қаңтар оқиғасына үш жыл. Жақынынан айырылғандардың жан жарасы әлі жазылмаған. Кемі 238 адам қаза тапқан оқиғаны билік ұмытқысы келетіндей, арнайы еске алу іс-шарасын ұйымдастырмады. Алайда қазақстандықтар әлеуметтік желіде флешмоб өткізіп жатыр. Қаңтар шындығы ашылды ма?

"Тарих әркімге бағасын береді". Қаңтар ісі: үш оқ, изолятордағы азап пен ауыр айып

Қаңтар оқиғасы 41 жастағы Қосай Маханбаевтың өмірін апай-топай етті. Алматыда наразылық өршіп тұрған сәтте оған оқ тиді, одан кейін қамауға алынып, абақтыда азаптауға ұшырады, ақырында ең жақын адамынан айырылды. Қаңтар оқиғасына қатысушы бір сәтте басына ауыр қасірет пен қайғы түскенін айтады.

Қаңтарда көзден айырылған Ерқанат Жеңісұлының тауқыметі

26 жастағы Өскемен тұрғыны Ерқанат Жеңісұлы жеңіл көлігімен адам тасып, отбасын асырайды. Қаңтар оқиғасы кезінде оқ тиіп, бір көзінен айырылған жігіт “Қазақстан халқына” қорынан қайырымдылық көмек ала алмай жүр.

"Билік көзімнен айырды, қор көмек бермеді". Қаңтарда жараланған жігіттің тауқыметі

26 жастағы Өскемен тұрғыны Ерқанат Жеңісұлы жеңіл көлігімен адам тасып, отбасын асырайды. 2022 жылғы Қаңтар оқиғасы кезінде жараланып, бір көзінен айырылса да, "Қазақстан халқына" қоғамдық қорынан қайырымдылық көмек ала алмай жүр.

Бір түнде оққа ұшқан 20 адам. Шымкенттегі Қаңтар қырғыны

2022 жылы 5 қаңтар түнде Шымкент қаласы әкімдігі алдында атылған оқтан 20 адам қаза тапты. Алғашында олар "жаппай тәртіпсіздік" бабымен күдікке ілінді. Кейіннен "айып дәлелденбей", іс қысқарып, "кездейсоқ қайтыс болған адамдар" тізіміне ілінді. Олардың өліміне байланысты іс те тоқтатылған.

"Полиция атқан оқ мәйіттен табылды". Шымкенттегі Қаңтар қырғынының жазылмаған жарасы

2022 жылғы 5 қаңтарда Шымкентте әкімдік алдында атылған оқтан 20 адам қаза тапты. Билік іс қозғап, марқұмдар "Жаппай тәртіпсіздік" бабымен күдікке ілінді. Кейін "айып дәлелденбегендіктен" іс қысқарды. Қаңтар оқиғасына үш жыл толғанда Азаттық бірнеше марқұмның туысымен тағы да сөйлесті.