Сяргей Абламейка, Прага Як сьцьвярджаюць багасловы, шмат зямных клопатаў і радасьцяў замінаюць людзям бачыць і разумець сапраўдны вобраз Бога. Гэта ня толькі матэрыяльныя рэчы, багацьце, але і розныя пляны, славалюбства, праблемы са здароўем і незагоеныя маральныя раны. Паміж чалавекам і Богам можа стаць і іншы чалавек. Такія перашкоды, бывае, прымушаюць чалавека забыцца на першае прыказаньне – Я Госпад твой, ня май іншых багоў.
