Экспэртыза Свабоды

Ці прызнае Расея беларускія прэзыдэнцкія выбары?

У палітычным і экспэртным асяродзьдзі Беларусі актыўна абмяркоўваецца тэма аб ролі расейскага чыньніка ў прэзыдэнцкай выбарчай кампаніі. Што азначае непрызнаньне Масквой беларускіх выбараў? Якія гэта можа мець наступствы? Як паўплывае пазыцыя Расеі на паводзіны беларускай намэнклятуры?

“Хросны Бацька-3” — “прапаганда супраць войск і насельніцтва праціўніка”

Чым адрозьніваецца фільм «Бацька-3» ад двух папярэдніх сэрыяў, наколькі моцнае ўражаньне пакідае гэты фільм? Ці можна цяпер меркаваць, якую інфармацыйную, прапагандысцкую і палітычную мэту ставілі аўтары фільму? Ці ня можа тут быць адваротнага эфэкту, калі некаторыя беларусы пачнуць абурацца — як маўляў, можна так здымаць пра прэзыдэнта нашай краіны?

Рэакцыя беларускіх уладаў на пажары ў Расеі

У чацьвер Аляксандар Лукашэнка выказаў імкненьне аказаць дапамогу Расеі ў тушэньні пажараў. Чаму беларускія пажарнікі позна адгукнуліся на расейскую бяду? Як дзяржаўныя мэдыі Беларусі ацэньваюць сытуацыю з пажарамі ў Расеі? Чаму беларускія ўлады культывуюць антырасейскія настроі ў грамадзтве?

Ці трэба павышаць пэнсійны ўзрост жанчын?

Ва Ўкраіне неўзабаве жанчыны будуць выходзіць на пэнсію ў 60 гадоў. Ці існуе сацыяльна-эканамічная мэтазгоднасьць такога рашэньня ў Беларусі? Як адрэагавалі б на гэта беларускія жанчыны? Ці могуць улады павысіць пэнсійны ўзрост?

Асаблівасьці сёлетняй выбарчай кампаніі Аляксандра Лукашэнкі

Цяперашняя выбарчая кампанія дзейнага прэзыдэнта праходзіць у новых умовах. Як гэта адбіваецца на яе зьмесьце? Як уплывае на ход кампаніі беларуска-расейскі канфлікт? Ці шкодзяць іміджу Лукашэнкі эканамічныя праблемы?

Чаму не атрымліваецца выбраць адзінага кандыдата ад апазыцыі?

Рада беларускай інтэлігенцыі прызнае сваё бясьсільле ў вызначэньні адзінага апазыцыйнага кандыдата. Чаму не ўдалося паўтарыць сцэнар 2006 году? Ці магчымая адзіная стратэгія дэмакратычных сілаў? Якой яна можа быць?

Чаму Беларусь і Расея ня могуць дамовіцца наконт будаўніцтва АЭС?

Калі могуць адбыцца прэзыдэнцкія выбары?

Паводле ўказу Аляксандра Лукашэнкі пазачарговая сэсія Палаты прадстаўнікоў мае адкрыцца 7 верасьня. Ці прызначаць на гэтай сэсіі дату прэзыдэнцкіх выбараў? Ці адбудуцца яны на пачатку сьнежня? Якімі матывамі кіруюцца ўлады, прызначаючы дату выбараў?

"Адзіная крыніца аптымізму Сідорскага — гэта моцная сьпёка. Перагрэліся…"

Беларусь у 2011—2015 гадах мае намер павялічыць аб'ём прамых замежных інвэстыцый да $7 млрд. у год.

Як апазыцыя можа выкарыстаць канфлікт паміж Менскам і Масквою?

За Лукашэнку ці за Расею?

Трохкутнік Беларусь-Расея-Грузія: хто набыў, хто страціў?

Сустрэча прэзыдэнтаў Беларусі і Грузіі, інтэрвію Міхаіла Саакашвілі Беларускаму тэлебачаньню стала новым паваротам у вонкавай палітыцы афіцыйнага Менску. Навошта спатрэбіўся гэты ход Аляксандру Лукашэнку? Як гэта паўплывае на беларуска-расейскія дачыненьні? Як успрыме сяброўства з Грузіяй беларускае грамадзтва? Удзельнікі: шэф-рэдактар газэты «Народная воля» Сьвятлана Калінкіна і галоўны рэдактар інтэрнэт-газэты «Мы» Кірыла Пазьняк.

Ці могуць Масква і Брусэль дамовіцца дзеля вырашэньня беларускага пытаньня?

Паводле часопісу "Newsweek", Расея і Эўразьвяз знайшлі паразуменьне ў пытаньні зыходу Аляксандра Лукашэнкі. Наколькі рэальныя такія высновы? У чым супадаюць і не супадаюць мэты Масквы і Брусэлю што да беларускага пытаньня? Ці ёсьць у той і ў другога мэханізмы ўплыву на сытуацыю ў Беларусі? Удзельнікі: кіраўнік аналітычных праектаў кампаніі "БелаПАН" Аляксандар Класкоўскі зь Менску і дацэнт Маскоўскага дзяржаўнага інстытуту міжнародных дачыненьняў Кірыл Коктыш з Масквы.

Чым патлумачыць капітуляцыю Лукашэнкі ў Астане?

5 ліпеня прэзыдэнты Беларусі, Расеі і Казахстану запусьцілі працу Мытнага саюзу. Чаму Аляксандар Лукашэнка пагадзіўся падпісаць Мытны кодэкс? Ці былі ў яго іншыя варыянты? Якія наступствы ўваходу Беларусі ў Мытны саюз?

“Цяпер у Маскве апрацоўваюць сцэнар падштурхнуць Беларусь да зьмены ўлады”

Якія мэты — тактычныя ці стратэгічныя — мае прапагандысцкі ўдар расейскіх тэлеканалаў па Аляксандру Лукашэнку? Як адрэагавала беларускае кіраўніцтва на фільм НТВ «Хросны бацька»? Як можа выглядаць стратэгія Масквы наконт прэзыдэнцкай кампаніі ў Беларусі? На гэтыя пытаньні ў перадачы «Экспэртыза Свабоды» адказваюць шэф-рэдактар газэты «Народная воля» Сьвятлана Калінкіна і кіраўнік аналітычных праграмаў кампаніі БелаПАН Аляксандар Класкоўскі.

Што чакае беларускі інтэрнэт пасьля 1 ліпеня?

1 ліпеня ў Беларусі набыў моц прэзыдэнцкі ўказ № 60 аб рэгуляваньні інтэрнэту. Якія наступствы ён будзе мець? Якія складанасьці чакаюць карыстальнікаў? Чаму ўладальнікі сайтаў не сьпяшаюцца рэгістравацца ў Дзяржаўнай інспэкцыі электрасувязі?

“20 гадоў страчаныя на разьбіваньне келіхаў у Крамлі”

Чаму афіцыйныя крыніцы не жадаюць прызнаваць той факт, што Нацыянальны сход Беларусі ўвечары 30 чэрвеня ратыфікаваў Мытны кодэкс Мытнага саюзу з Расеяй і Казахстанам? Ці падпіша Аляксандар Лукашэнка 5 ліпеня ў Астане ўсе дакумэнты аб Мытным саюзе «тройкі»? Ці ёсьць альтэрнатыва ў беларускай эканомікі па-за межамі расейскага рынку? На гэтыя пытаньні ў перадачы «Экспэртыза Свабоды» адказваюць: зь Менску — эканаміст Міхал Залескі, а з Масквы — дацэнт Маскоўскага дзяржаўнага інстытуту міжнародных дачыненьняў Кірыл Коктыш.

Ці рэальна дывэрсыфікаваць пастаўкі энэргарэсурсаў?

Аляксандар Лукашэнка правёў нараду ў пытаньні дывэрсыфікацыі імпарту нафты і газу. Ці сапраўды Беларусі патрэбныя альтэрнатыўныя крыніцы энэргарэсурсаў? Наколькі эфэктыўныя пастаўкі нафты? Ці магчымыя альтэрнатыўныя крыніцы газу?

Хто перамог у газавай вайне?

Газавы канфлікт скончыўся, пастаўкі і транзыт газу адноўленыя. Ці дамаглася Расея сваіх мэтаў у ходзе гэтай вайны? Хто што набыў, а хто што страціў падчас канфлікту? Ці ёсьць непрадбачаныя наступствы газавай вайны? Удзельнікі: палітычны аналітык Аляксандар Фядута зь Менску і аглядальнік часопісу «Russia Profile» Дзьмітрый Бабіч з Масквы.

Газавы канфлікт — апэрацыя “па змушэньні да Мытнага зьвязу”

Хто быў ініцыятарам «газавай вайны», каго — Менск альбо Маскву — можна назваць яе пераможцам на гэтым этапе? Які з бакоў атрымаў больш іміджавых і палітычных бонусаў? Ці дацісьне Крэмль Лукашэнку і ці прымусіць яго пайсьці на падпісаньне Мытнага саюзу на расейскіх умовах? На гэтыя пытаньні адказваюць шэф-рэдактар газэты «Народная воля» Сьвятлана Калінкіна і кіраўнік аналітычных праектаў кампаніі БелаПАН Аляксандар Класкоўскі.

Газавая вайна: у чым прычыны зацятасьці саюзьнікаў?

У аўторак «Газпром» скараціў пастаўкі газу Беларусі ўжо на 30%. У чым сапраўдныя прычыны газавай вайны? Ці сапраўды ў Беларусі няма грошай, каб выплаціць доўг? Як хутка скончыцца канфлікт?

Прычыны і наступствы газавага канфлікту

«Газпром» рыхтуецца з панядзелка скараціць пастаўкі газу ў Беларусь на 85%. Чаму ўзьнік гэты газавы доўг? Чаму Расея перавяла канфлікт у палітычную плашчыню? Калі і як вырашыцца канфлікт?

“Уладары Крамля адкрыта зьдзекуюцца з Лукашэнкі, трымаюць у калідорах”

Ці азначае газавы ўльтыматум прэзыдэнта Расеі Дзьмітрыя Мядзьведзева, што Масква канчаткова вырашыла праводзіць даволі жорсткі эканамічны курс у дачыненьні да Беларусі? Як гэта можа паўплываць на прэзыдэнцкую кампанію ў Беларусі — ці будзе Расея імкнуцца выбіць з Аляксандра Лукашэнкі як мага больш саступак, выкарыстоўваючы перадвыбарчую сытуацыю? Як беларуская ўлада можа рэагаваць на такія дзеяньні Расеі, ці пройдзе прэзыдэнцкая кампанія пад лёзунгам «абаронім беларускі сувэрэнітэт ад Масквы»? На гэтыя ды іншыя пытаньні ў перадачы Экспэртыза Свабоды адказваюць Валер Булгакаў, галоўны рэдактар часопіса «Архэ» і рэдактар інтэрнэт-рэсурсу «Белмы» Кірыл Пазьняк.

Кіргіскі чыньнік беларускай палітыкі

Зрынуты прэзыдэнт Кіргізстану Курманбек Бакіеў правёў у Менску прэсавую канфэрэнцыю. Чым выклікана ягонае зьяўленьне на публіцы? Як гэта зьвязана зь беларуска-расейскімі дачыненьнямі? Ці будзе АДКБ умешвацца ў кіргіскую сытуацыю?

Выбарчы год і беларуска-расейскія адносіны

Ці магчыма зараз разьвязаць супярэчнасьці паміж Беларусьсю і Расеяй па пытаньнях паставак нафты і фармаваньня Мытнага Саюзу? Як уплывае на адносіны паміж афіцыйнымі Беларусьсю і Расеяй тое, што ў Беларусі надыходзіць прэзыдэнцкая кампанія?

Дыялёг ці імітацыя?

10 чэрвеня адбылося чарговае паседжаньне Грамадзка-кансультатыўнай рады пры адміністрацыі прэзыдэнта. Ці можна лічыць гэты орган формай зваротнай сувязі паміж уладай і грамадзтвам? Наколькі канструктыўным быў дыялёг? Якімі могуць быць ягоныя вынікі?

Чаму кіраўніцтва Беларусі асьцерагаецца Балёнскага працэсу?

У панядзелак Аляксандар Лукашэнка правёў нараду па пытаньнях разьвіцьця вышэйшай школы. Ці сапраўды ўзровень беларускай адукацыі высокі? Ці трэба Беларусі далучацца да Балёнскага працэсу? Чаму прэзыдэнт ставіцца да яго з насьцярогай?

У чым прычына беларуска-ўкраінскага дыпляматычнага скандалу?

Беларусь адмаўляецца выдаваць Украіне ратыфікацыйныя граматы да дамовы аб мяжы. Чаму зрываюцца дамоўленасьці, дасягнутыя паміж Лукашэнкам і Юшчанкам? Ці стаяць за гэтым скандалам палітычныя праблемы? Якія пэрспэктывы вырашэньня супярэчнасьцяў?

Беларусь — “трэці лішні” ў Мытным саюзе?

28 траўня Расея і Казахстан падпісалі дакумэнты аб стварэньні адзінай мытнай тэрыторыі для дзьвюх краін без удзелу Беларусі. Хто выйграў і хто прайграў ад такога рашэньня? Што ў гэтай сытуацыі будзе рабіць беларускае кіраўніцтва? Якія пэрспэктывы Мытнага саюзу?

“Мала тых прэтэндэнтаў, хто сапраўды разьлічвае на перамогу і ідзе да яе”

Ці павялічвае шанцы апазыцыі на выбарах масавае вылучэньне патэнцыйных кандыдатаў у прэзыдэнты? Наколькі гэта ўпісваецца ў апазыцыйны сцэнар правядзеньня выбарчай кампаніі? Ці можа хто-небудзь з вылучаных кандыдатаў прэтэндаваць на статус трэцяй сілы? На гэтыя ды іншыя пытаньні ў перадачы «Экспэртыза Свабоды» адказваюць рэдактар інтэрнэт-газэты «Салідарнасьць» Аляксандар Старыкевіч і рэдактар інтэрнэт-выданьня «Мы» Кірыл Пазьняк. Вядзе перадачу Віталь Цыганкоў.

“Прадаваць Радзіму можна, але пакрысе і па добрай цане”

Ці сапраўды Беларусь гатовая аддаць кантрольны пакет акцыяў «Белтрансгазу», як пра гэта заявіў Аляксандар Лукашэнка. Ці магчыма адначасова сумясьціць падвышэньне заробку і выкананьне эканамічнай праграмы МВФ? Як далёка беларускія улады гатовыя ісьці ў лібэралізацыі эканомікі? На гэтыя ды іншыя пытаньні ў перадачы «Экспэртыза Свабоды» адказваюць эканаміст Міхал Залескі і публіцыст Аляксандар Класкоўскі.

Які лёс чакае Мытны саюз?

На трохбаковых перамовах прэм’ераў Беларусі, Расеі і Казахстану ў Санкт-Пецярбургу напрыканцы мінулага тыдня не ўдалося ўзгадніць пазыцыі па стварэньні Мытнага саюзу. Чаму праваліліся перамовы? Ці сталася Беларусь галоўным тормазам у стварэньні гэтага аб’яднаньня? Ці магчымы Мытны саюз у складзе Расеі і Казахстану безь Беларусі?

За што ўлады абрынуліся на кампанію “Гавары праўду”?

Чаму ўлада гэтак жорстка абрынулася на актывістаў кампаніі “Гавары праўду?” Наколькі адэкватныя чуткі пра расейскі сьлед у арганізацыі гэтай грамадзянскай кампаніі? Пад якога патэнцыйнага кандыдата ў прэзыдэнты яна рыхтавалася? Ці можна ўжо зараз прагназаваць, паводле якога сцэнару будзе адбывацца прэзыдэнцкая кампанія ў Беларусі? На гэтыя ды іншыя пытаньні ў перадачы “Экспэртыза свабода” адказваюць шэф-рэдактар часопісу “Архэ” Валер Булгакаў і палітычны аглядальнік газэты “Белорусы і рынок” Паўлюк Быкоўскі.

Ці будзе разьвівацца беларуска-кіргіскі канфлікт?

Нарастае напружаньне ў дачыненьнях паміж Беларусьсю і Кіргізстанам. Чаму Менск адклікаў свайго амбасадара зь Бішкеку? Як вырашыцца лёс Бакіева? Як гэты канфлікт паўплывае на міжнародны імідж Беларусі?

Ці патрэбен апазыцыі адзіны кандыдат?

У апазыцыйным асяродзьдзі разгортваюцца дыскусіі наконт сцэнарыяў будучых прэзыдэнцкіх выбараў. Ці патрэбная кансалідацыя ўсіх дэмакратычных сілаў? Якая можа быць працэдура вызначэньня адзінага кандыдата? На якім этапе магчымае аб’яднаньне?

Чаму "ваўкавыская справа" закончылася так дзіўна?

Мікалая Аўтуховіча і Ўладзімера Асіпенку судзілі толькі за незаконнае захоўваньне зброі і боепрыпасаў. Чаму было зьнятае абвінавачваньне ў тэрарызьме? Ці можна лічыць справядлівым гэты прысуд? У чым палітычны сэнс гэтай справы? На гэтыя пытаньні адказваюць журналіст нашага радыё Алег Грузьдзіловіч і юрыст-праваабаронца Алеся Мураўёва.

Сцэнарыі прэзыдэнцкіх выбараў

У Беларусі дэ-факта пачалася прэзыдэнцкая выбарчая кампанія. На якую дату могуць быць прызначаныя выбары? У чым спэцыфіка цяперашняй выбарчай кампаніі? Ці зможа хтосьці рэальна кінуць выклік Аляксандру Лукашэнку?

“Мілінкевіч асацыюецца з паразай і бляклай кампаніяй”

Ці можна сказаць, што Аляксандар Мілінкевіч — першы цяжкавагавік з беларускіх палітыкаў, што вылучыўся на прэзыдэнцкія выбары? Ці можа ягоная асоба аб’яднаць усю беларускую апазыцыю? Якія яшчэ фігуры могуць скласьці яму канкурэнцыю? На гэтыя ды іншыя пытаньні ў перадачы «Экспэртыза Свабоды» адказваюць шэф-рэдактар часопіса «Архэ» Валер Булгакаў і публіцыст Вадзім Казначэеў, які скептычна ставіцца да палітычных пэрспэктываў Аляксандра Мілінкевіча.

Ці пачынаецца пахаладаньне паміж Беларусьсю і Эўропай?

Парлямэнцкая асамблея Рады Эўропы прыняла рэзалюцыю, якая прадугледжвае замарожваньне кантактаў з кіраўніцтвам Беларусі. Чым можна патлумачыць такое рашэньне? Якія практычныя наступствы будзе мець прыняцьцё гэтай рэзалюцыі?

Урокі “Чарнобыльскага шляху”

З нагоды чарговай гадавіны аварыі на АЭС прайшоў традыцыйны «Чарнобыльскі шлях». Чаму ўлады ўжылі надзвычайныя захады бясьпекі? У чым прычыны невялікай колькасьці ўдзельнікаў акцыі? Ці можна лічыць, што вулічныя акцыі апазыцыі вычарпалі сябе?

Выбарчае пасланьне ўлады — “усё будзе па-ранейшаму”

Што хацела прадэманстраваць улада беларускаму грамадзтву, правёўшы мясцовыя выбары ва ўзорна-савецкім стылі? Ці выканала апазыцыя сваю задачу прыйсьці да людзей падчас гэтай кампаніі? На гэтыя ды іншыя пытаньні ў перадачы Экспэртыза Свабоды адказваюць публіцыст Аляксандр Класкоўскі і палітычны аглядальнік газэты «Белорусы и рынок» Паўлюк Быкоўскі.

Ці зможа Лукашэнка стварыць «антырэвалюцыйны» саюз дыктатараў у СНД?

Беларускія ўлады працягваюць разыгрываць карту «Бакіеў». У чым сэнс гэтай гульні? Ці знойдзе Лукашэнка саюзьнікаў у СНД? Як цяперашняя пазыцыя Менску паўплывае на беларуска-расейскія дачыненьні?

Бакіеў – "халасты стрэл" Менску?

Чаму прэзыдэнт Расеі Дзьмітры Мядзьведзеў даволі рэзка выказаўся з нагоды дзеяньняў Аляксандра Лукашэнкі ў справе кіргіскага канфлікту? Якіх палітычных вынікаў дабіваецца прэзыдэнт Беларусі, даючы ў Менску прытулак адстаўленаму кіргіскаму лідэру Курманбеку Бакіеву?

Чым адметнае сёлетняе пасланьне Аляксандра Лукашэнкі?

Прэзыдэнт Беларусі выступіў з штогадовым пасланьнем Нацыянальнаму сходу і народу. Якое агульнае ўражаньне ад выступу? Якія задачы і праблемы абазначаны ў эканамічнай сфэры? Чаму такія рэзкія выказваньні на адрас Расеі?

Чаму Лукашэнка абараняе Бакіева?

Аляксандр Лукашэнка рэзка нэгатыўна паставіўся да сілавой зьмены ўлады ў Кіргізстане. У чым прычыны такой рэакцыі на падзеі ў далёкай краіне? Чаму ён апраўдвае страляньне па людзях? Навошта Лукашэнка прапанаваў палітычны прытулак былому прэзыдэнту Кіргізстану Бакіеву?

“Лукашэнка разглядаў і разглядае Польшчу як ворага”

Чаму афіцыйны Менск, у адрозьненьне ад астатніх усходніх дзяржаў-суседак Польшчы, так і не абвясьціў жалобу па ахвярах авіякатастрофы пад Смаленскам? Ці можна сказаць, што тут выявіліся пэўныя маральныя падыходы і «асаблівасьці» сёньняшняй улады? Ці паўплывалі на гэтае рашэньне напружаныя стасункі паміж афіцыйнымі Беларусьсю і Польшчай? На гэтыя пытаньні ў перадачы «Экспэртыза Свабоды» адказваюць палітоляг, кандыдат філязофскіх навук Уладзімер Падгол і актывіст Саюзу палякаў Анджэй Пачобут.

Ці пачынаецца распродаж «фамільнага срэбра»?

Віцэ-прэм’ер Беларусі Ўладзімер Сямашка заявіў, што ўрад разглядае пытаньне пра продаж «Нафтану», «Белтрансгазу», МАЗу замежным кампаніям. Чаму раптам улады згаварылі пра прыватызацыю найбуйнейшых прадпрыемстваў? Ці пагражае нацыянальным інтарэсам кантроль расейскіх кампаній над гігантамі беларускай прамысловасьці? Ці пачнецца рэальная прыватызацыя?

Ці атрымае Беларусь новыя крэдыты МВФ?

Урад і Нацыянальны банк Беларусі накіравалі ліст кіраўніцтву МВФ з тлумачэньнем плянаванай эканамічнай палітыкі краны. Як ацаніць праграму крэдытаваньня, якую завяршае фонд? Пра што сьведчыць ліст беларускіх уладаў на адрас МВФ? Якія пэрспэктывы новай праграмы фонду для Беларусі?

Колькі яшчэ існаваць саюзнаму праекту?

Чарговы афіцыйны «Дзень яднаньня народаў Беларусі і Расеі» адбываецца ў момант вострых супярэчнасьцяў паміж краінамі. Якія прычыны крызісу беларуска-расейскіх дачыненьняў? Ці можна лічыць, што саюзны праект перажыў свой час? Чаму Менск і Масква ня могуць адмовіцца ад інстытуту «саюзнай дзяржавы»?

Ці вырашыць плянаваная сустрэча прэзыдэнтаў беларуска-расейскія супярэчнасьці?

Аляксандар Лукашэнка і Дзьмітрый Мядзьведзеў падчас тэлефоннай размовы ў панядзелак дамовіліся неўзабаве сустрэцца. Ці дапаможа гэтая сустрэча вырашыць праблему з нафтавым мытам? Якая рэакцыя Расеі на пляны паставак у Беларусь вэнэсуэльскай нафты? Якія пэрспэктывы стварэньня Мытнага саюзу?