Незалежны кнігавыдавец Ігар Логвінаў. Паводле нараджэньня ён — гарадзенец, паводле адукацыі — філёзаф, паводле прызваньня — эстэт, паводле прафэсіі — кнігавыдавец.
Сябра Саюзу беларускіх патрыётаў мастачка Алеся Ўмпіровіч (Фурс). Дзеля прысягі на вернасьць Беларусі намалявала «Пагоню», за што атрымала 25 гадоў канцлягераў. Вярнуцца на радзіму змагла толькі ў 1982.
Выдавец, этнограф, мастак Дзяніс Раманюк. Аўтар больш 50 міжнародных выставаў фота і графікі. Выдаў фотаальбомы «Беларусь», «Чарнобыль», «Мой шлях да Беларусі», «Беларусь сінявокая».
Актор Нацыянальнага акадэмічнага тэатру імя Я. Купалы Раман Падаляка. Вучыўся ў Коласаўскім гуманітарным ліцэі і Акадэміі мастацтваў. Ролі ў спэктаклі «Дзяды» паводле А.Міцкевіча і фільме «Жыве Беларусь» зрабілі яго зоркай, якая сьвеціць і па-за мастацтвам.
Ён нарадзіўся ў 1983 годзе ў сям'і беларускі і ўраджэнца Чаду. Працуе мастаком і грае ў гурце фолькмадэрновай музыкі «Рэха», а таксама ў ска-джаз-рэгі-панк гурце «Гаротніца». Складае вершы і песьні і робіць анімацыйныя фільмы.
Яна нарадзілася ў 1927 на Слонімшчыне. Пад нямецкай акупацыяй вучылася ў беларускай прагімназіі. Была сяброўка СБМ. Была асуджаная на 25 гадоў лягераў.
Зладжаныя ім у студзені 2014 курсы "Мова нанова" сталі самым масавым па наведвальнасьці і самым пасьпяховым па выніках грамадзкім праектам па адраджэньні беларушчыны.
Арганізатар «лясных» адраджэнцкіх фэстаў Ян Грыб. Ён нарадзіўся ў 1936 на Палесьсі. Быў лётчыкам вайсковай авіяцыі на Далёкім Усходзе. Жыве ў лесе пад Крутагор’ем, дзе ладзіць фэсты беларускай культуры.
Расьпісаў шмат храмаў, у тым ліку царкву ў родным мястэчку, дзе ў сцэне Страшнага суда зьмясьціў выявы прадстаўнікоў сучаснай улады.
Дзевятнаццацігадовым студэнтам Менскага мэдыцынскага інстытуту яго прысудзілі да расстрэлу за “актыўную агітацыю з ужываньнем нацыянальных і рэлігійных забабонаў”. Вырак быў заменены на 25 гадоў канцлягераў.
Апаленага сонцам гаспадара роднай зямлі можна сустрэць у шэрагах удзельнікаў усіх дэмакратычных акцый.
Адмыслоўца экалягічнага турызму Алена Селях. Найбольш яе цікавіць жывёльны сьвет. Асаблівую сымпатыю выяўляе да ваўкоў, якіх гадуе, зь якімі сябруе, якіх песьціць.
Дваццацігадовым настаўнікам Гудзевіцкай школы ён вырабіў улёткі з заклікам «Змагайцеся за незалежную Беларусь!» і раскідаў іх зь цягніка па шляху ў Менск.
Дзесяць гадоў таму Яўген Змушка арганізаваў свой рок-гурт «Мутнае вока», у якім грае, сьпявае, для якога стварае музыку і тэксты, без якога не ўяўляе сваю будучыню.
Радыё Свабода прэзэнтуе праект «21 слова для 21-га стагодзьдзя». Відэафільмы распавядаюць пра людзей сучаснай Беларусі, чые ідэі, чыны і лёсы ствараюць у краіне незалежную соцыякультурную прастору.
