Самалёт Mirage 2000 разьбіўся падчас палётнага заданьня ў Валынскай вобласьці на захадзе краіны, паведамілі вайскоўцы.
Інцыдэнт адбыўся ўвечары 22 ліпеня. Паведамляецца, што ў самалёта адбылася адмова тэхнікі. Пілёт катапультаваўся, яго стан «стабільны», заявілі ў УСУ. Вядзецца расьсьледаваньне здарэньня.
Францускія зьнішчальнікі чацьвёртага пакаленьня Mirage 2000 выпускаліся з канца 1970-х да сярэдзіны 2000-х гадоў.
Украінская армія атрымала іх ад Францыі ў мадыфікацыі 5F, прызначанай у першую чаргу для перахопу паветраных цэляў. Першая партыя была дастаўлена ў лютым. Колькі самалётаў было пастаўлена не паведамлялася. Гэта першая вядомая страта УСУ самалёта такога тыпу.
Самалёты пастаўляліся зь ліку тых, што былі ўнаяўнасьці ў францускай арміі. Зьнішчальнікі былі пабудаваны ў 1980-я і мадэрнізаваны ў канцы 1990-х.
Форум