Пра гэта паведаміў сакратар камітэта Вярхоўнай рады па пытаньнях нацбясьпекі Раман Кастэнка.
«Гэта крок, якога даўно патрабуе рэальнасьць вайны. Расея не зьяўляецца бокам гэтай канвэнцыі і масава прымяняе міны супраць нашых ваенных і цывільных. Мы ня можам заставацца зьвязанымі, калі ў ворага няма абмежаваньняў», — заявіў Кастэнка. Ён дадаў, што цяпер гэтае пытаньне павінны разгледзець у Вярхоўнай радзе.
Раней на гэтым тыдні Літва і Эстонія апавясьцілі ААН аб выхадзе з дамовы. Краіны афіцыйна перастануць быць членамі канвэнцыі праз шэсьць месяцаў пасьля апавяшчэньня ААН.
Аб намеры выйсьці з дамовы паведамілі ўсе краіны Балтыі, Польшча і Фінляндыя. Усе гэтыя дзяржавы мяжуюць з Расеяй, якая ніколі не далучалася да забароны. Краіны патлумачылі сваё рашэньне пагоршанай для чальцоў NATO сытуацыяй з бясьпекай у рэгіёне.
- Атаўская дамова забараняе ўдзельнікам распрацоўваць, выкарыстоўваць, захоўваць і перадаваць супрацьпяхотныя міны. Канвэнцыя была падпісана ў Атаве ў 1997 годзе. Удзельнікі паведамілі, што «поўныя рашучасьці пакласьці канец пакутам і няшчасьцям, што выклікаюцца супрацьпяхотнымі мінамі», зьвяртаючы ўвагу на тое, што асноўнымі ахвярамі гэтага віду зброі зьяўляюцца цывільныя асобы.
Форум