У Беларусі з 31 ліпеня падаражэе праезд на цягніках

Цэны вырастуць ад 5 да 15%, вынікае з паведамленьня БелТА.

Гарадзкія лініі стануць даражэй

• на 20 капеек — у межах аднаго тарыфнага пояса (напрыклад, Менск — Гарадзішча),
• на 25 капеек — у межах двух паясоў (напрыклад, Менск — Чырвоны Сьцяг).

На рэгіянальных і міжрэгіянальных лініях павелічэньне залежыць ад адлегласьці, тыпу вагона і клясы. Напрыклад:

• Менск – Рудзенск (рэгіянальны, эканом) — +25 капеек,
• Менск – Бабруйск (рэгіянальны, бізнэс) — +55 капеек,
• Менск – Віцебск (пляцкарта) — +82 капеек, (купэ) — +1,13 руб.,
• Менск – Гомель (бізнэс, 2-я кляса) — +1,20 руб., (1-я кляса) — +1,65 руб.

Папярэдняе павышэньне тарыфаў было летась у красавіку.

Новыя тарыфы ўступяць у сілу пасьля афіцыйнага апублікаваньня пастановы №50, якую ўжо прыняло Міністэрства антыманапольнага рэгуляваньня і гандлю.

Як вынікае з інфармацыі на партале pravo.by, гэта адбудзецца ўжо 31 ліпеня, у чацьвер.

ГЛЯДЗІЦЕ ТАКСАМА:

Чаму ў Беларусі адны тавары даражэюць, а іншыя таньнеюць і пры чым тут рэгуляваньне цэнаў

ГЛЯДЗІЦЕ ТАКСАМА:

Інфляцыя ў Беларусі за 5 месяцаў склала 5,4 працэнта, гэта ўжо больш за прагноз уладаў на цэлы год