Новыя абмежаваньні маюць на мэце спыніць паток грошай у Іран, гаворыцца ў апублікаваным на сайце Міністэрства фінансаў ЗША паведамленьні.
Пад абмежаваньні трапілі міністар нафты Ірану Махсэн Пагнэжад, а таксама тры суднаходныя кампаніі і тры караблі. Пазьней на сайце Дзяржаўнага дапартамэнту ЗША былі апублікаваныя падрабязнасьці санкцыяў.
- У верасьні 2024 году Белы дом на фоне «дзейнасьці Ірану дзеля дэстабілізацыі» і паставак іранскіх балістычных ракет Расеі ўвёў санкцыі супраць некалькіх расейскіх і іранскіх кампаніяў і прыватных асобаў. Пра гэта паведамлялася на сайце Дзярждэпартамэнту ЗША.
- Пад абмежаваньні трапіла іранская авіякампанія Iran Air. Як гаворыцца ў паведамленьні Дзярждэпартамэнту, яна «зьяўляецца ключавым элемэнтам сеткі незаконнага распаўсюджваньня іранскай зброі, дазваляючы Ірану набываць матэрыялы двайнога прызначэньня заходняй вытворчасьці для выкарыстанььня ў распрацоўцы бесьпілётных лятальных апаратаў, некаторыя зь якіх перадаюцца Расеі для выкарыстаньня ва Ўкраіне». Таксама санкцыі ўведзены ў дачыненьні да дзьвюх расейскіх суднаходных кампаніяў і некалькіх зьвязаных зь імі суднаў.
- 22 лістапада 2025 году Іран заявіў, што пачне ўстаноўку сэрыі «новых і палепшаных» цэнтрыфуг для ўзбагачэньня ўрану, у адказ на рэзалюцыю, прынятую атамным органам ААН, якая крытыкуе Тэгеран.
Форум