Як паведаміла азэрбайджанскае дзяржаўнае агенцтва Azertag, такое рашэньне ўхвалілі «ў сувязі з пэрыядычным закрыцьцём паветранай прасторы» над гэтым горадам.
У ноч на 3 лютага расейскія ўлады ўводзілі абмежаваньні ў аэрапортах Грознага, Уладзікаўказу, Махачкалы, Астрахані, Валгаграда, Казані, Ніжнякамінску, Саратава і Ўльянаўску праз работу расейскай супрацьпаветранай абароны ў выяўленьні і зьнішчэньні ўкраінскіх дронаў.
У прыватнасьці, улады Расеі прызналі, што ў ноч на 3 лютага ў Валгаградзе і Астрахані аскепкі зьбітых дронаў трапілі ў прадпрыемствы паліўна-энэргетычнага комплексу.
Пасьля авіякатастрофы пасажырскага самалёта ў Казахстане 25 сьнежня 2024 году авіякампанія Azerbaijan Airlines (AZAL) прыпыніла на няпэўны час авіярэйсы ў Мінэральныя Воды, Сочы, Валгаград, Уфу, Самару, Саратаў, Ніжні Ноўгарад, Уладзікаўказ, Грозны, Махачкалу і Казань.
- Самалёт Azerbaijan Airlines (AZAL) 25 снежня 2024 году выконваў рэйс з Баку ў Грозны. На борце знаходзіліся 67 чалавек.
- 38 зь іх, у тым ліку трое чальцоў экіпажа, загінулі ў выніку крушэння пад Актаў.
- Расьсьледаваньне працягваецца, але асноўнай вэрсіяй авіякатастрофы называюць пашкоджаньне фюзэляжу паражальнымі элемэнтамі зэнітнай ракеты ў небе над Грозным.
- Прэзыдэнт Азэрбайджана Ільхам Аліеў заявіў, што адказнасць за катастрофу «ляжыць на прадстаўніках Расейскай Фэдэрацыі». Аліеў запатрабаваў ад Расеі прызнаньня віны і пакараньня вінаватых.
- Прэзыдэнт Расеі Ўладзімір Пуцін прынёс прабачэнні за катастрофу азэрбайджанскага самалёта, але адказнасьці ня ўзяў.
Форум