У Латвіі з 31 кастрычніка пачала дзейнічаць забарона на рух аўтамабіляў зь беларускімі нумарамі

Аўтамабілі зь беларускай рэгістрацыяй з 31 кастрычніка ня могуць уяжджаць і рухацца па тэрыторыі Латвіі.

У канцы кастрычніка Саэйма Латвіі ўнесла зьмены ў закон аб дарожным руху, якія прадугледжваюць магчымасьць перарэгістраваць аўтамабілі зь беларускай рэгістрацыяй.

Закон дапоўнілі нормай аб тым, што грамадзянам Беларусі, якія атрымалі ў Латвіі статус уцекача або альтэрнатыўны статус, дазваляецца зарэгістраваць у Латвіі транспартны сродак, зарэгістраваны ў Беларусі, на тэрмін да 3 гадоў без сэртыфікату адпаведнасьці.

ГЛЯДЗІЦЕ ТАКСАМА:

У Латвіі грамадзяне Беларусі змогуць перарэгістраваць свой аўтамабіль, але толькі на тры гады

Латвія з 16 ліпеня 2024 году забараніла ўезд у краіну легкавым аўтамабілям, зарэгістраваным у Беларусі і Расеі. У сваім рашэньні латвійскія чыноўнікі спаслаліся на санкцыі Эўразьвязу.

Аналягічныя абмежаваньні ўвялі Літва і Эстонія.

ГЛЯДЗІЦЕ ТАКСАМА:

Ціханоўская заявіла, што абмежаваньні на ўезд у ЭЗ аўтамабіляў зь беларускімі нумарамі не закрануць пасажырскі рух