«Летась рэспубліку з мэтай мэдычнага турызму наведалі больш за 160 тысяч чалавек з 159 краін. Пераважна з Армэніі, Нямеччыны, Грузіі, Ізраілю, Італіі, Кітаю, Казахстану, Малдовы, Расеі, Узбэкістану, Туркмэністану, Сірыі, ЗША. Разам з тым, больш за 50 % замежных пацыентаў — грамадзяне СНД», — працытавала Яна Бедушэўскага дзяржаўнае агенцтва «Мінск-Навіны».
Паводле яго, замежнікі найчасьцей прыяжджаюць у Беларусь для атрыманьне паслуг у такіх кірунках, як трансплянталёгія, анкалёгія, кардыяхірургія, плястычная хірургія, акушэрства, нэйрахірургія, траўматалёгія, афтальмалёгія.
Дырэктарка кампаніі мэдычнага турызму, сябра працоўнай групы па мэдычным турызьме Міжведамаснага экспэртна-каардынацыйнага савета па турызьме Дынара Варанцова ўдакладніла, што 47 тысяч замежных турыстаў наведалі Беларусь паводле праграмы бязьвізавага ўезду праз наземныя пункты пропуску зь Літвы, Латвіі і Польшчы.
«Мэдычны турызм у нашай краіне яшчэ ня выйшаў на дапандэмійны ўзровень, калі больш за 200 тысяч замежнікаў наведалі Беларусі менавіта ў межах мэдтурызму ў 2018-ым, але паказвае сур’ёзныя лічбы — 160 тысяч візыцёраў за 2024», — адзначыла Дынара Варанцова.
Паводле яе, геаграфія пацыентаў пашырылася — прыяжджалі з Сэрбіі, Кітаю, краін афрыканскага кантынэнту. «Прычым афрыканскі бок вельмі зацікаўлены ў супрацы як па лініі мэдычных тэхналёгій і лекаваньня, так і па пастаўках беларускага мэдычнага абсталяваньня», — удакладніла яна.
Экспартаваць мэдычныя паслугі Беларусь пачынала з трох кірункаў —стаматалёгіі, плястычнай хірургіі і афтальмалёгіі. На сёньняшні дзень прапануюцца паслугі ў 14 кірунках: кардыялёгія, нэўралёгія, артапэдыя, анкалёгія, трансплянтацыя органаў, экстракарпаральнае апладненьне. Замежнікаў вабяць перш за ўсё кошты.
Форум