Каля палігону Падбродзьдзе знайшлі цела чацьвертага амэрыканскага вайскоўца. Ён таксама загінуў, як і трое пабрацімаў, целы якіх знайшлі раней.
Усе чацьвёра ўваходзілі ў экіпаж бронемашыны М88, якая затанула ў балоце каля палігону. Ратавальная апэрацыя на манэўрах працягвалася некалькі дзён.
Амэрыканскае камандаваньне ў асобе генэрала Крыстафэра Донаг’ю, камандзіра амэрыканскіх войскаў у Эўропе і Афрыцы, падзякавала хаўрусьнікам зь Літвы, Эстоніі і Польшчы, вадалазам, пілётам, інжынэрам і ўсім адмыслоўцам, якія бралі ўдзел у апэрацыі.
Чацьвёра амэрыканскіх жаўнераў зьніклі ў раньнія гадзіны 25 сакавіка. Іхную бронемашыну М88А2 Hercules знайшлі ў балоце і здолелі выцягнуць на паверхню толькі пад раніцу 31 сакавіка.
Усім родным і блізкім загіблых вайскоўцаў амэрыканскае камандаваньне перадало шчырыя спачуваньні ў сувязі з трагічнай весткай аб іх гібелі.
Адзначаецца, што жаўнер служыў у частцы, якая дысьлякуецца ў Форт Сьцюарце, штат Джорджыя.
Амэрыканская армія заявіла пра тое, што расьсьледаваньне трагічнага здарэньня будзе працягвацца.
Форум