Ужо сёньня: тры гады таму ў Беларусі пачалася масавая ліквідацыя недзяржаўных арганізацый

У гэты дзень

1792 — Бітва пад Берасьцем у часе вайны Расеі супраць Рэчы Паспалітай.

1914 — Аўстра-Вугоршчына прад’явіла ўльтыматум Сэрбіі з прычыны забойства ў Сараеве спадкаемцы пасаду імпэрыі, эрцгерцага Франца Фэрдынанда. Сэрбія адхіліла адзін з 10 пунктаў ультыматуму. 28 ліпеня 1914 году Аўстра-Вугоршчына абвясьціла вайну Сэрбіі, што стала пачаткам Першай усясьветнай вайны.

1918 — Старшынём Народнага Сакратарыяту БНР прызначаны Янка Серада.

1922 — у катэдральным праваслаўным саборы Сьвятых апосталаў Пятра і Паўла ў Менску адбыўся царкоўны сынод, які пастанавіў стварыць аўтаномную беларускую мітраполію.

1943 — нацысты спалілі Доры (Валожынскі раён) — жыхароў мястэчка сагналі ў мясцовую царкву і падпалілі. Цяпер на месцы царквы мэмарыял.

1968 — упершыню ў гісторыі тэрарысты захапілі цывільны самалёт з закладнікамі. Чальцы Народнага фронту вызваленьня Палестыны ўчынілі згон самалёта ізраільскай авіякампаніі «Эль-Аль».

1974 — у Грэцыі скінулі дыктатуру «чорных палкоўнікаў».

1992 — Абхазія абвясьціла пра сваю незалежнасьць ад Грузіі.

1997 — Слабадан Мілошавіч прынёс прысягу як прэзыдэнт Югаславіі.

2021 — у Беларусі пачалася масавая ліквідацыя недзяржаўных арганізацый, Міністэрства юстыцыі падало пазовы на ліквідацыю больш як пяцідзесяці грамадзкіх арганізацый.

У гэты дзень нарадзіліся

1896 — Антон Валынчык, хормайстар і кампазытар.

1964 — Ігар Сідарук, беларускі празаік, драматург.

У памяці

1572 — Жыгімонт Аўгуст, вялікі князь літоўскі, кароль польскі.

1632 — Памва Бярында, дзяяч усходнеславянскай культуры, лексыкограф, паэт, перакладнік, гравёр і выдавец.

1645 — Міхаіл Фёдаравіч, першы расейскі цар з дынастыі Раманавых.

1966 — Аляксандар Ружанцоў (псэўданім Алесь Смаленец), вайсковец, паэт, гісторык, дзяяч даваеннай і паваеннай эміграцыі ў Літве, Нямеччыне й ЗША.

1995 — Алесь Ставер, беларускі паэт, празаік, драматург.