Дата дня
17 студзеня 1915 году нарадзіўся Антон Бархаткоў, беларускі жывапісец, заслужаны дзеяч мастацтваў Беларусі. Вядомы сваімі пэйзажамі і натурмортамі, натхнёнымі традыцыямі Вітольда Бялыніцкага-Бірулі, у якога ён вучыўся. Яго карціны вылучаюцца лірычным адлюстраваньнем прыроды Беларусі.
Антону Бархаткову было прысвоена званьне заслужанага дзеяча мастацтваў Беларусі. Яго творы знаходзяцца ў фондах Нацыянальнага мастацкага музэю Беларусі і іншых беларускіх музэяў, у расейскай Трацьцякоўскай галерэі і Цьвярской абласной карціннай галерэі, а таксама ў прыватных калекцыях за мяжой.
Ён удзельнічаў у партызанскім руху падчас Другой сусьветнай вайны і ў арганізацыі першых мастацкіх выставаў у БССР.
У гэты дзень
1773 — брытанскі карабель Resolution пад камандай Джэймза Кука ўпершыню дасягнуў Паўднёвага палярнага круга.
1829 — утвораная Беларуская навучальная акруга з цэнтрам у Віцебску — з мэтай рэарганізацыі Віленскай навучальнай акругі і замены польскага ўплыву на расейскі.
1919 – у ЗША ратыфікавалі 18-ю папраўку да Канстытуцыі, якая паклала пачатак эпосе сухога закону.
1971 — Дзяржаўны акадэмічны музычны тэатар адкрыў у Менску свой першы тэатральны сэзон спэктаклем «Пяе „Жаваранак“» беларускага кампазытара Юрыя Семянякі.
1999 — у мястэчку Безьдзеж (Драгічынскі раён) адкрыўся музэй народнай творчасьці «Безьдзескі фартушок».
У гэты дзень нарадзіліся
1706 — Бэнджамін Франклін, адзін з айцоў-заснавальнікаў Злучаных Штатаў Амэрыкі.
1732 — Станіслаў Аўгуст Панятоўскі, апошні кароль польскі і вялікі князь літоўскі.
1899 — Аль Капонэ, амэрыканскі гангстэр.
1904 — Алесь Якімовіч, паэт і празаік, аўтар апрацовак народных казак.
1933 — Мікола Дубоўскі, пісьменьнік.
1964 — Андрэй Федарэнка, беларускі пісьменьнік. Найбольш вядомы раманамі «Мяжа», «Рэвізія», аповесьцю «Вёска» і гістарычным творам пра Слуцкае паўстаньне «Нічые».
У памяці
1921 — Аляксандар Астрамовіч, сьвятар, паэт, пачынальнік беларускага каталіцкага руху.
2004 — Чэслаў Немэн, польскі музыка, народжаны ў Беларусі.
2021 — Леанід Лыч, гісторык, доктар гістарычных навук.
