پاکستان

پاکستان په يونان کې د کښتۍ ډوبېدو د پېښې په تړاو ۳ تورن قاچاقبران او ۲ افسران نيولي

دا تر هغې وروسته ده چې د يوناني ساحل ساتونکو په وینا، د ډېسېمبر پر ۱۴مه لږ تر لږه پينځه کسان وروسته تر هغه مړه وموندل شول او لسګونه نور ورک شول چې د دوی د لرګیو کښتۍ د یونان په جنوبي ټاپو ګافدوس کې ډوبه شوه. 

کراچۍ کې د ترهګرۍ ضد عدالت د پي ټي اېم یو فعال د پلټنو لپاره زندان ته لېږدولی دی

پاکستان له بیلېسټېک توغندیو پروګرام سره پر تړلې ادارې او شرکتونو د امریکا پر بندیزونو خواشیني ښوولې

د امریکا د بهرنیو چارو وزارت د ډېسېمبر پر ۱۸مه په بیان کې وویل چې د پاکستان د اوږد واټن ویشتونکو بیلېسټېک توغندیو پروګرام "د خپرېدو دوامداره ګواښ ته په کتو" د ملي پرمختیا کمپلېکس (نیشنل ډېوېلمپنټ کمپلېکس یا اېن ډي سي) په نوم پر دفاعي ادارې او درې نورو شرکتونو بندیزونه لګوي.

چارواکي وايي بلوچستان کې د پولیو ځنډېدلی واکسیني کیمپېن د ډېسېمبر پر ۳۰مه پیلېږي

په کوټه کې د ګوزڼ پر وړاندې د بیړنیو عملیاتو د مرکز صوبايي مشر انعام الحق د ډېسېمبر پر ۱۷مه په بیان کې ویلي دي چې دا پرېکړه يې د بلوچستان د ټولو ضلعو  له انتظامي او روغتيايي چارواکو سره تر غونډې وروسته کړې ده.

بلوچستان کې لا د پولیو واکسیني کيمپېن نه دی پیل شوی

د پولیو مخنیوي ادارې پر خپله ووبپاڼه په خبرپاڼه کې لیکلي، د ډېسېمبر له ۱۶مې څخه تر ۲۲مې پورې د هغه هېواد په بېلابېلو برخو کې تر پینځو کلونو پورې عمر لرونکي شاوخوا ۴۴ مېلیونه ماشومان واکسینوي.

په پاکستان کې د دیني مدرسو د ثبتولو د قانون پر سر د دیني عالمانو او حکومت اختلاف دوام لري

د یاد قانون موخه د ۱۸۶۰ز کال د سوسایټیز رجسټرېشن قانون کې بدلون راوستل دي، چې له مخې یې د دیني مدرسو راجسټرول اړین ګرځول کېږي. دا قانون د مدرسو د راجسټرولو واک د تعلیم ادارې پر ځای د ضلعې انتظامي مشر (ډېپټي کمېشنر) ته سپاري.

خیبرپښتونخوا: پر پولیو ضد ډلو بریدونو کې یو پولیس وژل شوی او ۲ کارکوونکي ټپيان دي

دا په داسې حال کې ده چې د ډسمبر پر ۶مه د خیبر پښتونخوا او بلوچستان په ګډون د پاکستان په ۱۴۳ ضلعو کې د پولیو ناروغۍ مخنیوي لپاره شپږ ورځنی واکسیني کیمپېن پیل شوی دی.

د پاکستان په ۱۴۳ ضلعو کې د ګوزڼ واکسیني کیمپېن کېږي

اداره وايي، دا کیمپېن پر داسې مهال کېږي چې د روغتیا ملي ادارې په وروستیو کې د خیبر پښتونخوا د چارسدې او ډېره اسماعیل خان، د بلوچستان د کلا سیف الله، بارکان او مستونګ، د پنجاب د راولپېنډۍ او د سیند د قمبر او جامشورو ضلعو په ناپاکه اوبو کې د ګوزڼ وایرس موندلو خبر ورکړ. 

د پاکستان مشر قاضي د سیند په زندانونو کې د اصلاحاتو لپاره کمېټي جوړه کړې

جسټس يحيا اپرېدي دا اقدام تر هغې وروسته کړی دی چې د سیند د زندانونو د پولیسو مشر حسن سېتو سپریم کورټ ته په وړاندې کړي رپورټ کې وویل چې د هغې صوبې په بندیخانو کې د قیدیانو شمېر تر بېساري کچ لوړ شوی دی.

د اسلام اباد یو عدالت عمران خان او د هغه ښځه د توشه خانې قضیه کې رسماً تورن کړي دي

د توشه خانې د دويمې قضیې پلټني په پیل کې د پاکستان د احتساب ادارې (نېب) کړې وي خو د هغې ادارې په قانون کې د پارلېمان تر بدلون وروسته قضیه د پلټنو فيدرالي ادارې (اېف ای اې) ته سپارل شوې وه.

اسلام اباد وايي له سوریې څخه ۴۷۵ پاکستانیان خوندي لبنان ته رسېدلي دي

د وزارت ویاندې ممتاز زهرا بلوڅې د ډېسېمبر پر ۱۲مه په اسلام اباد کې اونیزې خبري غونډې ته وویل چې په شام کې یې سفارت له ټولو پاکستانیانو سره "د مرستې لپاره فعال رول" لوبوي او خوندي یې له هغه هېواده د ایستلو هڅې کوي.