عظمت علي شاه په پېښور کې د مشال راډیو خبریال دی چې د خیبر پښتونخوا پر سیاسي او امنیتي چارو او د خلکو د ژوند ژواک په اړه راپورونه جوړوي.
د پاکستان تحريک انصاف غړي او مشران د يوې ورځې تېرېدو برسېره هم د احتجاج لپاره د اسلام اباد ډي چوک ته نه دې رسېدلي. د ګوند زنداني بنسټګر عمران خان د نومبر پر ۱۳مه پر خپلو پلويانو غږ کړی وو چې د نومبر پر ۲۴مه دې په اسلام اباد کې احتجاج وکړي.
د پاکستان تحریک انصاف (پي ټي ای) مشران او غړي په اسلام اباد کې د نومبر ۲۴مې په احتجاج کې د ګډون لپاره له پېښور او صوابۍ تر تېرېدو وروسته د هېواد پلازمېنې پر لوري خوځېدلې ده. خو د پاکستان حکومت پلازمېنې ته تلونکې بېلابېلې لارې تړلې دي. ویډیويي رپورټ.
د پېښور د خبریالانو مرکز د خبریالانو لپاره د کرکټ سیالیو انتظام کړی وو چې پکې ۱۸ لوبډلو برخه واخیسته. د سیالیو پایلوبه د نومبر پر ۲۱مه وشوه چې پکې پي پي سي مارخور لوبډلې پي پي سي زلمي ته په شپږو وېکټو ماتې ورکړه.
د خیبر پښتونخوا په لسګونو ماشومانو د صوبايي اسمبلۍ په تالار کې په غونډه کې پر بېلابېلو موضوعاتو بحث کړی دی. د هغې غونډې تابیا اسمبلۍ او د ملګرو ملتونو د ماشومانو ادارې (یونېسېف) د نومبر پر ۲۰مه د ماشومانو نړیوالې ورځې په مناسبت کړې وه. ویډیويي رپورټ.
د خيبرپښتونخوا د لرغونو اثارو ادارې په پېښور کې د انځورونو درې ورځنۍ نندارتون پیل کړی دی چې پکې د پېښور ښار له ۳۰ څخه زیات تاریخي انځورونه اېښودل شوي دي.
د خیبر پښتونخوا د نوښار په جامعه عثمانیه کې د کرکټ په ګډون څلور ورځنۍ سپورټي سیالۍ او فرهنګي مېله شوې ده چې موخه یې د اقلیمي بدلون په اړه پوهاوی زیاتول او د مدرسو په اړه منفي فکر ختمول ول. ویډیويي رپورټ.
په داسې حال کې چې پاکستان له تېرو څو کلونو راهیسې د بجلۍ له کمبوت سره لاس او ګرېوان دی، په دغه هیواد کې د شمسي بجلۍ بازار ګرم دی.
پاکستان تحریک انصاف د نومبر په نهمه په صوابۍ کې احتجاجي جلسه وکړه، چې موخه یې د عمران خان او د ګوند د نورو غړو له جېلونو د راخوشې کولو غوښتنه وه. په جلسه کې د نورو صوبو پلویانو هم ګډون کړی
د خیبر پښتونخوا د سرکاري پرایمري ښوونځیو د استادانو اتحادیې (اېپټا) په پېښور کې د خپلو غوښتنو لپاره پرلت پیل کړی دی. د اېپټا مشران وايي چې په پېښور جناح پارک کې روان پرلت پرلت به تر هغو پورې دوام وکړي تر څو يې غوښتنې نه وي منل شوې. په دې اړه د عظمت علي شاه ويډیويي رپورټ وګورئ.
د اتحادیې مشر عزیز الله خان د نومبر پر څلورمه مشال راډیو ته وویل چې استادان په پېښور جناح پارک کې پرلت پیلوي او دا به تر هغې روان وي چې غوښتنې یې ومنل شي.
پښتون ژغورنې غورځنګ (پي ټي اېم) د پاکستان په ټولو پښتون مېشتو سیمو کې د "ولسي پاڅون" په نوم احتجاجونه کړي.
په دې لړ کې د اکتوبر پر ۲۰مه له سهاره تر ماښام پورې په مختلفو وختونو کې د خیبر پښتونخوا او بلوچستان د مرکزونو پېښور او کوټې په ګډون په ګڼو وړو او لویو ښارونو او سیمو کې احتجاجې لاریونونه او غونډې وشوې.
په خیبر کې د پښتنو د قامي عدالت په نامه جرګې په پاکستاني پوځ او وسلوالو ډلو غږ کړی چې په دوو میاشتو کې د پښتنو له خاورې ووځي.د اکتوبر ۱۳مې په شپه ناوخته د دغې درې ورځنۍ جرګې په ۲۲ مادو مشتمله اعلامیه د ګډونوالو په وړاندې اعلان کړه.
په داسې حال کې چې په لسګونو خیمو کې د پاکستان د پښتون مېشته سیمو استازو پر مختلفو موضوعاتو بحثونو او مشورو ته دوام ورکړی دی، د بېلابېلو ګوندونو مخکښ سیاستوالان د لویې جرګې پر درېیمه او وروستۍ ورځ د جرګې مرکزي تالار ته ورغلي او هلته یې ناستو کسانو ته ویناګانې کړې دي. په دې اړه ویډیويي راپور.
د غورځنګ مشر منظور پښتین د اکتوبر ۱۱مې په شپه ناوخته د خيبر ضلعې د جمرود په رېګي للمه کې د جرګې لپاره راټول شوو خلکو ته په خپله وينا کې وويل، که څه هم ټاکل شوې وه چې د پښتون قامی عدالت په نوم جرګه به د اکتوبر پر ۱۱ مه پيل شي.
پښتون ژغورنې غورځنګ (پي ټي اېم) د اکتوبر پر ۱۱مه د درې ورځنۍ لویې جرګې لومړنۍ چارې پیل کړې دي. ټاکل شوې وه چې جرګه سهار پیل شي خو وروسته یې وویل چې انتظامات بشپړوي. د پي ټي اېم مخکښ فعالان وايي چې د خیبر پښتونخوا حکومت ورته ډاډ ورکړی دی چې د جرګې پر مهال به هېڅ مشکل نه جوړېږي. نور په ویډیو کې.
پاکستان تحریک انصاف (پي ټي ای) د خپل زنداني رهبر عمران خان د خوشې کولو او د عدلیې د ازادۍ لپاره نن (د اکتوبر پر څلورمه) د اسلام اباد په جمهوریت څلورلاره یا ډي چوک کې د مظاهرې اعلان کړی دی.
د صوابۍ ضلعې د پولیسو مشر هارون الرشید تر پېښې وروسته رسنیو ته وویل په ګودام کې هغه بارود ایښي ول چې پولیسو د بېلا بېلو کاروایانو پر مهال نیولي ول او په اړه یې مقدمې روانې وې، نو ځکه یې ضایع کړي نه ول.
پاکستان تحریک انصاف (پي ټي ای) د سېپټېمبر پر ۲۱مه د خپل زنداني رهبر عمران خان او نورو سیاستوالانو د خوشې کولو لپاره احتجاجي جلسه وکړه. د ګوند ګڼ سیاستوالان، غړي او پلویان له لاهور ښار سره نېږدې جلسې ته ورغلي ول. ویډیويي رپورټ.
د چارسدې ضلعې د ژغورنې ادارې (ریسکیو ۱۱۲۲) ترمخه، پېښه د سېپټېمبر پر ۱۳مه د ترنګزی په خټ کورونه کلي کې د شپې مهال شوې چې پکې ساجد نومي تن، د هغه میرمن او درې بچیان وژل شوي دي.
نور وښیئ
