سدیس خان په نیمګړي وجود په امتحان کې پوره نومرې واخیستې
محمد سدیس خان ۱۷ کلن او پيدایشي معذوره دی. د هغه دواړه لاسونه او یوه پښه نشته خو ذهن یې روغ او جذبې یې اوچتې دي. نوموړي د ۱۰م صنف د بورډ په امتحان کې نږدې ۹۰۰ نومرې اخیستې دي. د چارسدې د سرډېرو دا تنکی زلمی وايي، په پښه لیکل کوي، کمپیوټر او مبایل هم کاروي. هغه وايي، لومړنۍ ښوونکې یې خپله مور ده چاچې د زده کړو پر مهال ډېره مرسته ورسره کړې ده. نور حال د مشال راډیو د خبریال په دې ویډیويي راپور کې.