شاهنواز ترکزی له پېښوره د مشال راډیو خبریال دی او د مومندو، باجوړ او شاوخوا سیمو په اړه رپورټونه جوړوي.
دا په ۱۹۴۷ز کال کې د پاکستان له جوړېدو راهیسې اوومه سرشمېرنه وه او د هېواد په تاریخ کې لومړۍ برېښنايي (ډېجیټل) مردم شماري وه چې د ۲۰۲۳ز کال د مارچ له لومړۍ نېټې څخه د مې تر ۲۲مې پورې روانه وه.
ریحان زیب وویل، پاڅون ځکه کوي چې د خلکو په ذهنونو خپره شوې ویره لېرې کړي. ''۱" ځوانان ناست ول، رایې مو واخیستې چې ولسي پاڅون په ۱۴م اګست وکړو که په بله ورځ. ۱۱۸ ځوانانو همدغه نېټه غوره کړه."
په وژل شویو کې ۱۱ کلن ابو ذر هم وو چې د یوې بې وزله کورنۍ غړی وو. د نوموړي پلار جاوېد خان او تره منور خان د کوز دیر په تېمرګره کې پر یوه لاسګاډي (رېړه) وچه مېوه خرڅوي. ابو ذر هم د کورنۍ د لګښتونو پوره کولو لپاره پاپړ (پپړ)، چېپس او ایسکریم خرڅول.
چارواکي وايي، د جولای پر ۳۰مه په باجوړ کې په ځانمرګي برید کې د وژل شویو شمېر ۶۳ ته رسېدلی او تر ۱۰۰ زیات ژوبل دي. د باجوړ په خار کې د جمعیت علمای اسلام (ف) د غونډې پر مهال په برید کې یوشمېر ماشومانو ته هم مرګژوبله واوښته. د حملې ذمه واري اسلامي دولت (داعش) ډلې منلې ده. ویډیو وګورئ.
فرانس پرېس خبري اژانس د عباس په حواله ويلي، د پوليسو معلومات ښيي چې د باجوړ چاودنه د يوې ځانمرګې حملې په نتيجه کې شوې چې له ۱۰ نيولې تر ۱۲ کيلوګرامه پورې بارودي مواد پکې کارول شوي ول.
د ځایي ولس او چارواکو په خبره، په چاودنه کې زیاتره وژل شوي د جولای ۳۰مې پر ماخوستن او د جولای پر ۳۱مه په خپلو پلرنیو هدیرو کې خاورو ته سپارل شوي دي.
د باجوړ پولیسو ویاند محمد اسرار خان د جولايي پر ۳۰مه ماسخوتن مشال راډیو ته وویل چې په دې چاودنه کې د وژل شویو شمېر ۳۷ ته رسېدلی دی.
د پوځ د عامه اړیکو دفتر (ای اېس پي ار) د مې پر ۱۸مه تر پېښې وروسته پر خپله ووبپاڼه په بیان کې ويلي دي چې په نښته کې يو وسلوال هم وژل شوی دی. د ۲۰۲۲ز کال له اوړي راهیسې په خیبر پښتونخوا ناامني زیاته شوې ده چې پکې د ولسي وګړو په ګډون امنیتي ځواکونو ته هم مرګژوبله اوښتې ده.
د مومندو په يکه غنډ کې د توري په نوم مشهور، سريل خان د قالينو جوړولو کاروبار پيل کړی دی. هغه وايي په دې کار یې نه یوازې خپل ژوند روان دی بلکې په لسګونو نورو کسانو ته یې هم روزګار برابر کړی. د هغه قالینې امریکې ته هم ځي. البته ګراني یې کاروبار زیانمنوي. په اړه یې د شهنواز ترکزي ویډيو راپور وګورئ.
په خبرپاڼه کې ويل شوي چې له تشدده ډکو مظاهرو کوونکو او پلانوونکو ته به یې د پوځي قوانينو (ارمي اېکټ او افیشل سېکرېټ اېکټ يا سرکاري خفيه قانون) تر مخه سزاوې ورکول کېږي. تر دې مخکې هم پوځ په يوه خبرپاڼه کې ويلي وو چې د خونړيوو مظاهرو او د پوځ پر ضد د تبلیغاتو تر شا د تحريک انصاف د ځينو مشرانو لاس دی.
د موسمیاتو محکمه وایي، سږ کال په پاکستان کې په اپرېل کې ۱۲.۵ سلنه زیات بارانونه شوي دي. دا په داسې حال کې ده چې د مې پر دویمه په خیبر پښتونخوا او بلوچستان کې د ږلۍ او سختو بارانونو پر مهال په بېلابېلو پېښو کې اته تنه وژل شوي ول.
بانک د مې پر دویمه په خپاره کې راپور کې ویلي چې په پاکستان کې د غریبۍ او خلکو د خراب اقتصادي وضعیت له امله ماشومانو ته پوره خواړه هم نه رسیږي.
د باجوړ ضلعي انتظامیې د ولسي کمېټۍ د غونډې د ګډونوالو څرګندونو په اړه څه نه دي ویلي خو تر دې مخکې یې په بیا بیا ټینګار کړی دی چې په سیمه کې د امنیتي حالت سمولو ته ژمنه ده او دا چې امنیتي ځواکونو د وسلوالو ډلو پرضد کاروایۍ ته دوام ورکړی دی.
د مشال راډیو د معلوماتو پر اساس په روان ۲۰۲۳ز کال کې په شمالي وزیرستان کې ۱۳ هدفي بریدونه شوي دي. تېر کال (۲۰۲۲ز کې) هلته په ۴۷هدفي بریدونو کې تر ۶۰ زیات کسان وژل شوي ول.
مظاهرچیانو پر ریاست غږ وکړ چې که امنيتي ځواکونه د شک په بنياد خلک نیسي نو بیا دې یې ورکوي نه، بلکې مقدمې دې پرې وچلوي.
د باجوړ د جرګې مشري د دې ضلعې د سوداګرو د خونې مشر حاجي لالي شاه او د کونړ هغې ملک محمد ميران او ملک ميایداد کوله.
د باجوړ ځايي خبریالانو هم د هغو کسانو وژنه تایید کړې ده خو د سیمې امنیتي چارواکو او خبریالانو د هغوی د وژل کېدو څرنګوالي په اړه څه نه دي ویلي. د خیبر پښتونخوا په بېلابېلو برخو کې د ۲۰۲۲ز کال له اوړي راهیسې د وسلوالو حملو پر ضد په بیا بیا د ولسي پاڅون په نوم مظاهرې او پرلتونه شوي دي.
عوامي نېشنل ګوند د پاکستان تحريک انصاف پر تېر حکومت نيوکې کوي چې باید د تحريک طالبان پاکستان وسلوالې ډلې سره یې مذاکرات نه وای کړي. ايمل وليخان د روان کال په فبرورۍ کې بیان ورکړی وو چې د هغو مذاکراتو کوونکو پر ضد به په عدالت کې مقدمه کوي، خو تر اوسه یې دا مقدمه نه ده کړې.
نور وښیئ
