په قامي اسمبلۍ کې د مخالفه ګوندونو مشر عمر ايوب خان د جولای پر نهمه په خپلو خبرو کې وويل چې دا کار "د ټولنې د معذورولو طریقه" ده.
په پاکستان کې اېکس شبکه د فبرورۍ له ۱۷مې بنده ده او د بخښنې نړیوال سازمان (ایمنسټي انټرنیشنل) په ګډون د بشري حقونو لسګونو سازمانونو او ټولنو له اسلام اباده غوښتي دي چې هغه ټولنیزه شبکه دې ژر بحاله کړي.
د ملګرو ملتونو د کډوالو ادارې مشر فېلېپو ګراندې د جولای پر اوومه پاکستان ته تللی وو. هغه خپل درې ورځنی سفر له پېښوره پیل کړ او وروسته هريپور ته ولاړ. نوموړي په پاکستان کې له افغان کډوالو او له پاکستانیو چارواکو سره وکتل.
ګراندې ويلي چې د کډوالو مسلې د حل لپاره د نړیوالو په ملاتړ، پر انصاف ولاړې دوامدارې تګلارې ته ضرورت دی. هغه زیاته کړې چې له پاکستاني وزیراعظم سره یې د افغان کډوالو په اړه خبرې اترې ګټورې وې.
د سي ټي ډي پولیسو یو مشر اصف اعجاز شېخ تر پېښې وروسته خبریالانو ته وویل چې په ډي اېس پی علي رضا د جولای پر اوومه په کریم اباد سیمه کې له ګاډي څخه تر وتلو وروسته وسلوالو ووژاه.
د غورځنګ مخکښه مشرانو او غړو د جولای پر اوومه مظاهرو ته په ویناګانو کې د عزم استحکام په نوم د عملیاتو مخالفت وکړ او و یې ویل چې د عملیاتو له وجې ولسي خلک مشکلات او زیانونه ګالي.
په پاکستان کې د یو اېن اېچ سي ار ویاند قیصر اپرېدي مشال راډیو ته وویل چې ګراندې د جولای پر اوومه خپل سفر له پېښوره پیل کړ او هلته یې له افغان کډوالو سره په غونډه کې له هغوی څخه د هغوی "د اندېښنو" په اړه معلومات ترلاسه کړل او ورته یې د ملګرو ملتونو د "ملاتړ" ډاډ ورکړ.
نور وښیئ
