Як зархариди сербистонӣ, ки дар ҷанги Украина аз тарафи Русия меҷангид, гуфтааст, ба ин хулоса омад, ки дӯстӣ ё "бародарӣ"-и русу сербҳо афсона аст.
Гурӯҳи ҷангҷӯйи "Ҳизбуллоҳ", ки аз сӯйи Амрико созмони террористӣ эътироф шудааст, рӯзи 28-уми сентябр дар баёнияе кушта шудани раҳбари он Ҳасан Насруллоҳро тасдиқ кард.
Артиши Исроил 28 сентябр иддао кард, ки Ҳасан Насруллоҳ, раҳбари гурӯҳи “Ҳизбуллоҳ”-ро дар ҳамлае рӯзи ҷумъа (27 сентябр) дар Бейрут куштааст. Ҳасан Насруллоҳ беш аз сӣ сол раҳбари “Ҳизбуллоҳ” буд ва бахши аъзами ҷануби Лубнонро зери назорат дошт. “Ҳизбуллоҳ” дар паёме марги Насруллоҳро тасдиқ кард.
Бенямин Нетаняҳу, сарвазири Исроил, ба душмани ашаддияш – Ҷумҳурии Исломии Эрон – ҳушдори сахте дод. Вай рӯзи 27-уми сентябр дар Маҷмаи Умумии Созмони Милали Муттаҳид гуфт, дар Эрон "ҷое нест", ки дасти Исроил ба он нарасад.
Дар ҳоле ки Русия мавҷи нави ҳамлаҳои ҳавоиро ба шаҳру минтақаҳои Украина ба роҳ монд, президенти Украина Владимир Зеленский рӯзи 26-уми сентябр бо раиси ҷумҳури Амрико Ҷо Байден ва муовинаш, Камала Ҳаррис, “нақшаи пирӯзӣ”-ро дар миён хоҳад гузошт.
Бо идомаи ҷангу хунрезӣ дар Ховари Миёна, аз ҷумла Навори Ғазза, Эмомалӣ Раҳмон, раиси ҷумҳури Тоҷикистон аз ҷомеаи байнулмилал хост, ки барои поён додан ба ин муноқиша чораҳои муассир биандешад.
Ҷо Байден, раиси ҷумҳури Амрико, дар Маҷмаи Умумии Созмони Милал гуфт, президенти Русия Владимир Путин бо ҳамлааш ба Украина “ба ҳадафи аслии худ нарасид” ва аз аъзои ин ниҳоди байнулмилалӣ хост, ки ба пуштибонӣ аз Киев идома диҳанд.
Вазорати тандурустии Лубнон эълон кард, ки бар асари ҳамлаҳои Исроил дар рӯзи 23-юми сентябр 492 нафар кушта шуданд. 90 нафари онҳо занону кӯдакон ҳастанд. Бино ба гузоришҳо, шумори захмиҳо низ ба 1645 нафар расидааст. Ҷангҷӯёни "Ҳизбуллоҳ" ва ғайринизомиён аз якдигар ҷудо ҳисоб нашудаанд.
Мақомоти Покистон гуфтанд, бар асари таркиш дар масири ҳаракати корвони дипломатҳои хориҷӣ як пулис кушта ва чор нафари дигар захмӣ шудааст.
Дар натиҷаи таркиш дар як кони ангишт дар вилояти Хуросони Ҷанубӣ дар шарқи Эрон камаш 51 кас кушта ва 20 тани дигар захмӣ шудаанд. Дар ин бора Муҳаммад Ҷавод Қаноат, раиси вилоят рӯзи 22-уми сентябр хабар дод.
Артиши Исроил рӯзи 20-уми сентябр эълом кард, ки дар ҳамлаи ҳавоӣ дар Зоҳия, ҷануби пойтахти Лубнон, Иброҳим Ақил – шахси шумораи дуи “Ҳизбуллоҳ” – кушта шуд. Ин гурӯҳ зери ҳимояти Эрон аст. Амрико созмони террористӣ медонад.
Мақомҳои Эрон ва Покистон аз намояндагони Толибон барои барнахостан ҳангоми пахши сурудҳои миллии кишварҳояшон ва риоя накардани назокатҳои дипломатӣ дар ду чорабинии алоҳида, интиқод карда, онро "беэҳтиромӣ" номиданд.
Ёфтҳои бештар
