Шаҳзода Назарзода (Самарқандӣ), рӯзноманигор ва адиби муқими Ҳолланд, мегӯяд, баъд аз суҳбаташ дар бораи ҳуқуқи занони тоҷик мавриди таҳқиру тавҳин қарор гирифта, ҳатто ба қатл таҳдид шудааст. Мусоҳибаи ӯ бо Радиои Озодӣ рӯзи 8-уми март нашр шуда буд.
Баъд аз ду ҳафтаи он ки қазияи Фаридун Зиёев ва ҳамсараш (шаҳрвандони Тоҷикистон) расонаӣ шуд, издивоҷи онҳоро дар як идораи ақди никоҳ дар шаҳри Уфаи Русия расман сабт карданд. Маросим рӯзи 6-уми марти имсол гузашт.
Хабарнигорони Радиои Озодӣ дар рӯзи 8-уми март ба дидани қаҳрамони достони видеоии “Бибиҷон” рафтанд. Сумбула Ятимова, ки як сол пеш аз кори машаққатбори роҳрӯбӣ қисса мекард, ҳоло шод аст, ки таваҷҷуҳ ба кору заҳмати онҳо ҳам аз сӯйи корфармо ва ҳам аз тарафи мардум бештар шудааст.
Сокинони деҳаи навбунёди Саттор Раҷабов дар шаҳри Турсунзода баъди 12 сол соҳиби барқ шуданд. Мақомот ва сокинон мегӯянд, мушкилашон баъд аз пахши гузориши Радиои Озодӣ дар тирамоҳи соли гузашта ҳал шуд.
Хадамоти зиддиинҳисорӣ (зиддимонополӣ)-и Тоҷикистон ба баррасии шикояти донишҷӯён ва наздикони онҳо дар бораи мушкили пардохти пули таҳсил оғоз кардааст.
Додситони ҳарбии гарнизони Душанбе ба матлаби Радиои Озодӣ дар бораи сарбоз Баҳовуддин Юсупов вокуниш кард. Пайвандони сарбоз иддао доштанд, ки ӯ пас аз ним моҳи даъват ба артиш дар қисми низомӣ шадидан латукӯб шуда, "аз гап задан мондааст" ва дар шифохонаи бемориҳои рӯҳии ноҳияи Рӯдакӣ бистарист.
Ҷамъияти саҳомии пушидаи "Нашриёти муосир" рӯзи 23 октябр аз Радиои Озодӣ хост дар робита ба таҳқиқоти “Аз нашри китоби "Тоҷикон" ҷайби кӣ пур шуд?” раддия ба нашр расонад. Ин ҷо раддияи комили "Нашриёти муосирро" бихонед.
Марямбӣ Назриева, сокини шаҳри Кӯлоб, то ҳашт моҳ пеш дар хонаи вайрона мезист. Баъд аз гузориши Радиои Озодӣ дар моҳи декабри соли гузашта, мақомот ба ӯ хона сохта доданд.
Гузориши Радиои Озодӣ дар бораи аз кор мондани корхонаи нави дӯзандагӣ дар ноҳияи Рӯдакӣ пас аз боз шудани он бо ширкати президент Эмомалӣ Раҳмон на танҳо посухи расмии ҳокимияти ноҳия, балки талошҳои дубора ба кор андохтани корхонаро сабаб гашт.
Сокинони чаҳор деҳа дар ноҳияи Ваҳдат мегӯянд, ки бо гузашти як сол аз расонаӣ шудани мушкили онҳо ва омодагии чанд нафар барои кумак, ҳанӯз кӯдаконашон соҳиби мактаб нашудаанд.
Дар робита ба марги сарбози қисми низомии "87740"-и Вазорати дифои Тоҷикистон, Рамазон Зоиров, чаҳор ҳамхидмати ӯро дастгир кардаанд.
