د کونړ ولایت په زلزله ځپلو سیمو کې یو شمېر رضاکاران وايي، عاجلو مرستو ته سخته اړتیا ده، خو د لارو خرابوالي زیانمنو ته د مرستو رسولو بهیر له خنډ سره مخ کړی دی.
د طالبانو د حکومت ویاند ذبیح الله مجاهد وویل چې د تیرې شپې زلزلې په کونړ، ننګرهار، نورستان، لغمان او پنجشیر ولایتونو کې مرګ ژوبله اړولې او خلکو ته یې مالي زیانونه پيښ کړي دي. د مرګ ژوبلې اعلان شوې شمیرې لا هم وروستۍ نه دي او خپلواکو سرچینو تراوسه په دې اړه څه نه دي ویلي.
د طالب چارواکو په وینا په کونړ او ننګرهار کې د تېرې شپې خونړۍ زلزلې له ۶۰۰ ډېر کسان وژلي او ۱۳۰۰ کسان یې ټپیان کړي دي.
یو شمېر ښځې او حقوق پوهان خبرداری ورکوي، چې د طالبانو دا پرېکړه چې په پېژندپاڼو کې یې د ښځو د عکسونو لګول اختیاري کړي، نه یوازې دا چې بې ګټې ده، بلکې په خبره یې د ښځو له مدني حقونو د بې برخې کېدو او د فساد د پراخولو خطر هم زیاتولی شي.
یوې زور ورې زلزلې تیره شپه د افغانستان ختیځ ولایتونه ولړزول او رپوټونه وايي چې مرګ ژوبله یې را مینځ ته کړې.
د رواداري په نوم د بشري حقونو سازمان اعلان کړی، چې د ۲۰۲۵ کال په لومړیو شپږو میاشتو کې یې په افغانستان کې د هدفي، ناقانونه او مشکوکو وژنو ۲۵۱ پېښې ثبت کړي، چې د تېر کال د همدې مودې په پرتله ۳۰ سلنه زیاتوالی ښيي.
نور راوښيه
