د کابل سرینا هوټل، له دوو لسیزو وروسته، نن د فبروري په لومړۍ نیټه، په افغانستان کې خپل فعالیت ودراوه او د هوټل مدیریت یې د طالبانو حکومت د مالیې وزارت اړوند د هوټلونو دولتي شرکت ته وسپاره.
دغې کمېټې د سه شنبې په ورځ (د جنورۍ په ۲۱مه) په خپله فیسبوک پاڼه لیکلي چې له دې وروسته به د «افغانستان لپاره د پیوستون کمېټې» په نوم له هېواده بهر خپلو فعالیتونو ته دوام ورکړي.
د امریکا د ولسمشر ډونالډ ټرمپ له خوا نوي اجراییوي فرمان، چې په هغه هېواد کې د کډوالو د منلو پروګرام ځنډوي، د افغان متحدینو او د هغوی د ملاتړو اندېښنې راپارولي دي.
په دې ورستیو کې د افغانستان په ډیرو ولایتونو کې درنې واورې، طوفانونه او بارانونه شوي چې مرګ ژوبله یې رامنځته کړې ده.
ډیورند کرښې ته څېرمه برمل ولسوالۍ د پاکستاني ځواکونو له بمبارۍ او ورته له بیلابیلوغبرګونونو نېږدې لس ورځې ورسته، تازه د پاکستان د دفاع وزیر ادعا کړې چې د طالبانو حکومت ورڅخه له سرحدي سیمو د تحریک طالبانو پاکستان (ټي ټي پي) ډلې د انتقال لپاره پیسې غوښتې دي، هغه ادعا چې د طالبانو حکومت رد کړې ده.
په افغانستان کې یو شمېر ښځې او نجونې وايي چې "تر امر ثاني" عبارت دوی لپاره د نابرابرۍ او د دوی د بشري حقونو څخه د انکار سمبول ګرځېدلی.
د بشري حقونو د څار سازمان وايي، افغانستان کې ښځینه انځورګرانې د هنر او سمبولونو له لارې د طالبانو د محدودیتونو په وړاندې د ښځو مقاومت پیاوړی کوي او د طالبانو تر واکمنۍ لاندې د ښځو او نجونو په وړاندې ظلمونه ننګوي او انځوروي یې.
نور راوښيه
