Жогорку Кеңеш интернетте, жалпыга маалымдоо каражаттарында жалаа жабууга, мазактоого айып пул салган мыйзам долбоорун үчүнчү окууда кабыл алды. Эми жалган маалымат тараткан адамга 20 миң сом, аны жарыялаган медиага 65 миң сом айып пул салынат. Мыйзамдын аткарылышына ИИМ жоопкер болот.
Бишкек шаардык соту жапырт башаламандыкка айыпталган төрт журналисттин ишин карап, Ленин райондук сотунун чечимин күчүндө калтырды.
Жаза аткаруу кызматы №2 түзөтүү мекемесиндеги жарандык активисттер Зарина Төрөкулова жана Каныкей Аранова катаал шарттагы жаза өтөө режимине которулганын ырастады. Мунун алдында жакындары жана адвокаттары активисттер мыйзамсыз которулганын айтып чыгышкан.
"Интерньюстун" Кыргызстандагы өкүлчүлүгү жыл сайын уюштуруп келаткан “Умтулуу-2024” медиа сынагынын жыйынтыгы чыгып, жеңүүчүлөргө сыйлыктар тапшырылды.
Жогорку Кеңеш коомчулук менен журналисттердин сынына кабылган чуулгандуу интернетте, жалпыга маалымдоо каражаттарында жалаа, мазактоо үчүн айып салууга жол ачкан мыйзам долбоорун үчүнчү окууда кабыл алды.
75 жаштагы Гүлира Абдраимакунова абакта жаткан небереси Азамат Ишенбековдун беш жылга кесилгенин уга элек. Апа дагы эле Temirov Live редакциясында иштеген акын небересинин соту бүтө элек деп ойлойт. Ансыз деле Азамат Ишенбеков камалгандан бери ыйлай берип, эки көзү тең көрбөй калган.
Жогорку Кеңештин тармактык комитети интернет менен жалпыга маалымдоо каражаттарында жалаа жана мазактоо үчүн айып салууга жол ачкан мыйзам долбоорун экинчи окууда жактырды. Өкмөт айыптын көлөмүн азайтып, мыйзамдын аткарылышына Ички иштер министрлиги жоопкер болорун айтууда.
25-ноябрда Бишкек шаардык сотунда журналисттер Махабат Тажибек кызы, Актилек Капаров, Айке Бейшекеева жана Азамат Ишенбековдун иши карала баштады. Алардын адвокаттары ишти карган эки судьяга ишенбөөчүлүк көрсөтүп, алардын акыйкат чечим чыгарарынан шек санай турганын айтып жатышат.
Турду Акматалиев Красноярск шаарынан кармалып, Кыргызстанга жеткирилген. Жакындарынын айтымында, аны Орусиянын күч түзүмдөрү марттын соңунда кармап, октябрдын аягында Бишкекке экстрадициялаган. 31-октябрда Бишкектин Биринчи май райондук сотунда анын бөгөт чарасы каралган.
Кыргызстандан күчтөп чыгарылган иликтөөчү журналист Болот Темиров менен алты жылга соттолгон Temirov LIVE порталынын жетекчиси Махабат Тажибек кызынын 12 жаштагы уулу учурда таенесинин колунда тарбияланууда.
Өзгөндүн Куршаб айылында 1920-1930-жылдардагы репрессия курмандыктары жапырт көмүлгөн жайга эстелик орнотулуп, "Кекилик-Учар бейити" деп аталган мемориалдык жай ачылды. Кекилик-Учарда катылган сырды жергиликтүү элдеги маалыматтарга таянып, журналисттер, тарыхчылар ачыкка чыгарган.
Парламенттин Укук тартиби, кылмыштуулук менен күрөшүү жана коррупцияга каршы аракеттенүү комитетинде 12-ноябрда интернетте, медиа каражаттарында жалаа, мазактоого айып салган долбоор күн тартибинен алынды. Ал арада Маданият министрлиги Next TV телеканалын текшергени белгилүү болду.
Дагы жүктөңүз
