Бишкекте эркин гезиттин дизайнери Эрнис Жээнтаев алты жылга соттолду. Буга анын Фейсбуктагы пикирлери негиз болгон. Ал өткөн жылдын ноябрь айында камалып, соттук отурум Биринчи Май райондук сотунда 13-февралда өткөн.
Иликтөөчү журналист Уланбек Эгизбаевдин апасы Жыпаргүл Сариева баласынын өлүмү жөнүндө айткан мурдагы бажычы Раимбек Матраимовдун өкүл баласы Мунарбек Сайпидиновдун айткандарына укуктук баа берилбей жатканына нааразы.
Эл аралык Human Rights Watch уюму жылдык баяндамасында Кыргызстанда сөз эркиндигине, маалыматка жетүү укугуна олуттуу чектөөлөр киргенин белгилеген. Журналисттерге, көз карандысыз медиаларга жана укук коргоочуларга куугунтук күчөгөнүн, айрымдары камалганын мисал келтирген.
Сотко бир катар эл аралык уюмдардын өкүлдөрү, Евробиримдикке кирген өлкөлөрдүн элчилери да катышты. Ошентип, Кыргызстан бул күндөрү өлкөнүн демократия жана адам укуктары, сөз эркиндиги жаатындагы милдеттенмелерин аткаруусуна көз салган эл аралык институттардын, уюмдардын көңүл борборунда болууда.
Кыргызстанда Жогорку Кеңештин депутаты Элдар Сулаймановдун мурдагы аялы андан зомбулук көргөнүн айтып чыкты. Депутат муну каралоо, куру доомат деп баалап жатат. Милиция келиндин билдирүүсү текшерилип жатканын, ага 26-январда коргоо ордери берилгенин маалымдады.
2025-жыл Кыргызстандын маалымат чөйрөсү үчүн талылуу жылдардын бири болду. Бир жагынан жаңы медиа каражаттары ачылса, бир жагынан иштеп жаткандар жабылды, кээлери "экстремист" деп табылды. Журналисттердин кай бири абактан чыкса, башкалары кармалып, камалды. Айрым кабарчыларга издөө жарыяланды.
Укук коргоочулар эмне себептен артка кайтарылганы тууралуу расмий комментарий бериле элек. “Бир дүйнө Кыргызстан” уюму муну жарандардын ээн-эркин кыймылын чектөө, укук коргоочулардын укугунун бузулушу катары сыпаттап, тынчсыздануусун билдирди.
“Клооп Медиа” басылмасынын мурдагы операторлору Александр Александров менен Жоомарт Дуулатовдун райондук сот чыгарган өкүмү шаардык сотто өзгөртүлдү. Аларга үч жылдык жаза чегерилип, пробация менен сот залынан бошотулду. Мындай чечимди Бишкек шаардык соту 25-ноябрдагы отурумда чыгарды.
Кыргызстанда жүздөгөн студент Орусиянын Евразия фонду каржылаган медиа мектептин үч күндүк тренингинде журналисттик жаңы көндүмдөрдү жана этикалык стандарттарды үйрөндү. Бирок иш-чаранын артында "жашыруун пропаганда жокпу" деген тынчсыздануу пайда болду.
27-октябрда Бишкектин Октябрь райондук соту Temirov Live, Kloop.kg жана “Айт Айт Десе” медиа-долбоорлорунун маалыматтык материалдарын экстремисттик деп тапты. Бул долбоорлордун ишмердигине катышкан журналисттер Болот Темиров менен Ринат Тухватшиндин ишмердиги да экстремисттик деп таанылды.
Дагы жүктөңүз
