Кыргызстандын атынан Париж Олимпиадасына 16 спортчу ат салышууда. Аларга дүйнөнүн төрт бурчунан барган кыргызстандыктар күйөрмандык кылууда. "Азаттык" спортчулардын Париждеги күйөрмандардын айрымдарын кепке тартты.
Париж Олимпиадасында эркин күрөштөн 57 килограммга чейинки салмакта балбан Бекзат Алмаз уулу коло медал үчүн күрөшөт. Кыз-келиндер күрөшүнөн Айсулуу Тыныбекова жарым финалга чыкты.
Парижде Мунарбек Сейитбек уулу 57 килограмм салмакта бокстон финалга чыкты. Бул Олимп оюндарындагы спорттун бул түрүнөн Кыргызстандын алгачкы ийгилиги. Мунарбекти күйөрмандары кантип колдошту? "Азаттык" Париждеги күйөрмандарды кепке тартты.
Париж Олимпиадасында күрөш боюнча мелдештер уланып жатат. Кыз-келиндер күрөшүнөн Айсулуу Тыныбекова коло медал үчүн күрөшөт. Эркин күрөштөн 57 кг чейинки салмакта Бекзат Алмаз уулу коло байге үчүн күрөштө утулуп калды.
Жума күнү кечинде Париждеги даңазалуу Роллан-Гаррос стадионунда бокс боюнча мелдеште 66 килограммга чейинки кыз-келиндер арасында финалдык беттеш өтөт. Олимпиаданын алтыны үчүн алжирлик Иман Хелиф менен кытайлык Янг Лю таймашмакчы.
Парижде өтүп жаткан Олимпиада оюндарында Мунарбек Сейитбек уулу 57 килограмм салмакта бокстон финалга чыкты. 28 жаштагы мушкер кыргыз спортунун тарыхындагы жаңы баракты ачты. Олимп оюндарындагы спорттун бул түрүнөн Кыргызстандын алгачкы ийгилиги.
Олимпиада оюндарында кыргыз балбандары төрт медал утту. Ал арада атлеттерге түзүлгөн шарт, күрөш боюнча Кыргызстандын курама командасында диетолог, психолог жоктугу тууралуу маселе көтөрүлдү. Жалпы жонунан беш спортчу килемге чыгып, төртөө олжолуу болду, дагы бирөө коло үчүн күч сынашат.
Парижде өтүп жаткан Олимпиада оюндарында 8-августка карата күрөш боюнча кыргыз балбандары төрт медал утту.
Париж Олимпиадасында грек-рим күрөшүнөн Акжол Махмудов менен Үзүр Жузупбеков коло медал утту. Акжол ушуну менен эки жолку Олимп оюндарында байгелүү болду. Ал Токио Олимпиадасында күмүш медал алган. Үзүр экинчи Олимпиадасын олжолуу жыйынтыктады.
Жоламан Шаршенбековго күрөштүн сырын үйрөткөн жеке машыктыруучусу Хаким Махмудов «Азаттыкка» ат жалында маек курду. 86 жаштагы устат өз окуучусунун талбаган эмгеги, ызасы менен ийгилиги тууралуу баяндап, кийинки Олимп оюндарына барууну көздөп турганын айтты.
Дагы жүктөңүз
