Президент Садыр Жапаров автотранспорт салыгын толугу менен жойгон жарлыкка кол койду. Өзбекстанда Гүлнара Каримова аялдар колониясынан жатак абакка которулганы белгилүү болду. Израилде митингге чыккандар 400 күндөн ашуун хамасчылардын барымтасында отурган туткундарды бошотууну талап кылды.
5-январда Баткенде Арка-2 айылында белгисиз жарылуучу заттан жарат алган энеси менен кызынын абалын дарыгерлер оор деп баалап жатат. Бирок биринчи келгендегиден кыйла жакшырып калганын айтышты. 32 жаштагы келин 11 жаштагы кызы менен короосундагы эски темир-тезекти жыйнап жатканда жарылуу болгон.
Жаныбек Жакыпов эс-учун жоготуп койгондо жергиликтүү тургундар менчик клиникага алып барышканын, жакынкы күндөрү мекенине кетерин айткан аудиону Ассол Молдокматова таратты. Кыргызстандын Тышкы иштер министрлиги дипломатиялык каналдар аркылуу өз жаранын издеп жаткан.
Тибеттин бийик тоолуу райондорунун биринде жер титиреп, 100дөй киши каза таап, 150дөн ашуун адам жараат алганын Кытай медиасы кабарлады. АКШнын Чикаго шаарында кыргызстандык жаран киши колдуу болду.
35 жаштагы казак жараны Ауэз Капсаланов мындан үч жыл мурда Январь окуялары маалында Алматынын борбордук аянтында атып өлтүрүлгөн. Ал 2022-жылдын башындагы кандуу окуяларда набыт болгон 238 кишинин бири.
Орусиянын Коргоо министрлиги Украинанын Курахово шаарын толук өз карамагына алганын жарыялады. Киев бул маалыматты ырастай элек. Болгону ал жакта соңку бир суткада отуздай кагылышуу болгонун гана билдирди. 5-январдын таңында украин армиясы Орусиянын Курск облусунда жаңы чабуулун баштады.
Жаңы жылдык эс алуу күндөрү Бишкектеги Республикалык клиникалык жугуштуу оорулар ооруканасында кезек күткөндөр көбөйдү. Алар кабыл алган дарыгерлер жетишсиз экенин, бир бейтап беш саатка чейин күтүп калып жатканын айтууда.
Кыргызстанга мыйзамсыз ташылып келди делген Абхазиянын, Армениянын жана Орусиянын номуру менен жүргөн автоунааны расмий каттоого жол ачкан мыйзам долбоору даярдалды.
"Азаттык" Кыргызстандын аймактарында эл арасында сурамжылоо жүргүзүп, быйылкы жыл эмнеси менен эсте калды деген собол узатты.
Казакстандын Актау шаарындагы учактын кыйроосунан аман калган кыргызстандыктар Бишкекке жеткирилди. Жабыркагандарды мекенине алып келүү үчүн атайын борт уюштурулган. Экөөнүн абалы туруктуу болсо, үчүнчүсү жандандыруу бөлүмүндө жатат.
Климаттын өзгөрүшүнөн улам өлкөдө санитардык-эпидемиологиялык абал курчушу мүмкүнбү? Борбордогу уюлгуган ыш шаар тургундарынын саламаттыгына кандай таасир этүүдө? Өкмөттүк кызматкерлерге дене көнүгүүлөрү керекпи?
“Женго” каймана аттуу уюшкан кылмыштуу топтун мүчөсү Кадырбек Досонов Бишкектеги №1 тергөө абагында мекеменин кызматкерлери тарабынан катуу ур-токмокко алынганын адвокаты билдирип чыкты. Маалыматты Акыйкатчы институту дагы тастыктады.
Дагы жүктөңүз
