Орусияда мигранттар азайып, жумушчу күчүнүн тартыштыгы күчөп жатат. Бийлик бир жагынан чет элдик жумушчуларды тартууга аракет кылса, экинчи жагынан аларга көзөмөлдү жана чектөөлөрдү күчөтүүдө. Эксперттер мындай саясат экономика үчүн кошумча көйгөй жаратышы мүмкүн экенин айтууда.
Бишкектин четиндеги Ак Ордо-3 жаңы конушунда курулуп, быйыл пайдаланууга берилген № 104 орто мектепте балдар убактылуу төрт нөөмөттө окууга мажбур. Мындай абал жаңы корпус курулуп бүткөнгө чейин уланат.
Бишкектеги Ак Ордо конушундагы мектепте окуучулардын төрт нөөмөт менен окуганы коомчулукта талкуу жаратууда. Маалыматка караганда, 750 орунга ылайыкталган билим берүү мекемесине быйыл 4 миңден ашуун бала кабыл алынган. Мындан улам төртүнчү нөөмөттө окугандардын сабагы саат 16:45те башталууда.
Бишкектеги "Анар-Бак" конушунун айрым тургундары жер тилкелеринен кол жууйбуз деп кабатыр. Достоевский көчөсүнүн уландысы болгон долбоорго ылайык, жаңы айланма жол үй салуу үчүн деп сатылган жер тилкелерин кесип өтөт. Бишкек мэриясы кенемте төлөө же алмашуу жолдорун кароону убада кылууда.
Өткөн айда өрт чалган “Мадина” базары ачылып, иштеп жатат. Иш жанданганы менен соодагерлер санаага батып турат. Товары күйгөндөр мамлекет убада кылган жардамдан кабар жок экенин айтса, айрымдарына 20-сентябрда базарды бошотуу талабы коюлган. Мэрия көчүрүү маселеси каралып жатканын билдирди.
Кыргызстанда окуу жылынын башталышы менен кайрадан окуу китептерине байланыштуу маселе жаралды. Өкмөт окуу китептер мамлекеттик "Учкун" басмаканасында басылып, мектептерге акысыз берилерин жарыя кылган.
Буга чейин Агартуу министрлиги быйылкы окуу жылы үчүн китеп басып чыгарууга 1 миллиард 300 миллион сом бөлүнгөнүн жарыя кылган. Мекеме мамлекеттик мектептер үчүн даярдалган окуу китептери сатууга чыгарылбасын эскерткен эле.
Кыргыз-өзбек чек арасындагы "Чечме" бекетиндеги 15-сентябрдагы окуя териштирилүүдө. Чек ара кызматы Сох анклавына сабиз алып өтүүгө аракеттенген айдоочу чек арачылардын ишине тоскоолдук кылганын билдирди. Жергиликтүү бийлик дыйкандар өстүргөн мөмө-жемишин мыйзамдуу алып өтө албай жатканын айтууда.
Медицина тармагында иштеген кызматкерлер нефролог Насира Бейшебаевага мунапыс берүү же жазасын жеңилдетүү өтүнүчү менен өлкө бийлигине кайрылды. 10-сентябрда Бишкек шаардык соту Эне жана баланы коргоо борборунун нефролог дарыгери Насира Бейшебаеваны үч жылга эркинен ажыратты.
11-сентябрда Таласта Кыргызстандын эгемендигинин 35 жылдыгы расмий белгиленип, ондогон социалдык жана өндүрүш объектилери ачылды. Президент Садыр Жапаров өлкөдөгү өзгөрүүлөрдү белгилеп, акыркы кезде айтылып жаткан сын-пикирлерди "шайлоо алдындагы кара пиар” катары бааларын билдирди.
Кыргызстандын эгемендик күнүнө карата мамлекеттик сыйлыктар, наамдар ыйгарылган илим, маданият, билим берүү жана башка тармактарына салым кошкон ишмерлердин тизмеси жарыяланды.
Дагы жүктөңүз
