Жалал-Абад облусунун Сузак айыл аймагында айылдык кенешке келчү 31 депутаттын 12 мандаты аялдарга берилет. Шайлоого 20дан ашуун аял талапкер катышты. Өзгөчө бул жолу шайлоого өзбек улутундагы аялдардын жигердүү катышканы жергиликтүүлөр үчүн чоң жаңылык болууда.
Кыргызстандын Тышкы иштер министрлиги (ТИМ) Украинадагы кыргыз жарандарын жеке коопсуздук чараларын көрүүгө жана кырдаал толук турукташканга чейин өлкөдөн чыгып кетүүгө чакырды. Соңку эки күндөн бери Орусия Украинанын аймагына жапырт ракеталык чабуул коюп жатканын эл аралык медиа кабарлады.
Орусия шейшембиге караган түнү украин армиясы Брянск облусуна Атакамс ракетасы менен алты сокку урганын билдирди. Украин армиясы Карачев шаарынын четиндеги курал-жарак кампасын бутага алганын маалымдап, бирок кандай курал колдонулганын атаган эмес. Путин ядролук жаңы доктринага кол койду.
Кыргыз авиация агенттиги Бишкектеги “Манас” аэропортунун IATA кодун алмаштыруу аракети жүрүп жатканын билдирди.
Өлкөдөгү бир катар айылдардын тарыхый аталыштарын кайтаруу боюнча мыйзам долбоору Жогорку Кеңеште биринчи окууда колдоо тапты. Талкуу учурунда айрым депутаттар Бишкектеги төрт райондун аталышын алмаштыруу демилгесин кайрадан көтөрүштү.
Ноокатта милиция кызматкерлеринин жетекчисине каршы арызын Ички иштер министрлигинде түзүлгөн комиссия териштирет. 18-ноябрдын кечинде Көк-Жар аймактык милиция бөлүмүнүн 10дон ашык кызматкери өлкө бийлигине кайрылуу жолдоп, райондук милициянын жетекчиси Талгат Өскөналиевдин үстүнөн даттанышты.
Грузияда парламенттик шайлоону кайра өткөрүү талабын койгон каршылык акциясы уланууда. 18-ноябрга караган түндү Тбилисиде митингчилер чатыр тигип, от жагып өткөрүштү. Талаштуу шайлоонун жыйынтыгын бекитип жатканда БШКнын төрагасына оппозициялык саясатчы Давид Киртадзе сыя чачып жиберген.
Ноокаттагы Көк-Жар аймактык милиция бөлүмүнүн башчысы өлкө бийлигине кайрылуу жолдоп, райондук милициянын жетекчиси басым кылып жатканына даттанды. Райондук милициянын башчысы Талгат Өскөналиев андай дооматты четке какты. Ош облустук милициясы кайрылуу боюнча териштирүү жүрүп жатканын билдирди.
Америкалык медиа Вашингтон Киевге өз куралы менен Орусиянын аймагына сокку урууга уруксат бериши мүмкүн экенин жазды. Кремль андай чечим АКШ Орусия менен "тикелей жаңжалга кириптер болот" дегенди билдирерин айтып, Байдендин администрациясын эскалация үчүн айыптады.
Социал-демократтар партиясы Бишкек шаардык кеңешине өтө турган шайлоодон четтеттилип, лидери Темирлан Султанбеков, штаб башчысы Ирина Карамушкина тарапташы Роза Түрксевер эки айга камалды. Алар муну саясий басым деп баалап жатат. Израил Сириянын, Ливандын баш калааларына соккусун улантты.
Бишкек четиндеги бир катар жаңы конуштар бийлик убада кылган мунапыс жараяны жакшы жүрбөй, көйгөйлөрү чечилбей жатканына даттанууда.
Жергиликтүү шайлоолорго үч күн калды. 14-ноябрда КСДПнын лидери Темирлан Султанбеков камалды. 13-ноябрда шаардык милиция партиянын штабында тинтүү жүргүзүп, добуш сатып алууга айыпталган эки адам камакка алынды.
Дагы жүктөңүз
