Ноокаттагы Көк-Жар аймактык милиция бөлүмүнүн башчысы Тимур Абдисатар уулу бийликке кайрылып, райондук милициянын жетекчиси басым кылып жатканына даттанды. Райондук милициянын башчысы Талгат Өскөналиев "Азаттыктын" суроолоруна жооп берип, айтылган дооматтын баарын четке какты. Ош облустук милициясы кайрылуу боюнча териштирүү жүрүп жатканын билдирди. Адатта укук коргоо органдарында коомчулукка ачык кайрылган учурлар сейрек.