Күлкү кербени

* * * * * * *

— Урматтуу талапкер! Сиз эмнеге ойлонуп калдыңыз? Тез жооп жазбасаңыз, берилген убактыңыз азайып калды.

— Агай, акырын шыбырап койосузбу: “эл” сөзү эки тамгадан турабы же үч тамгаданбы?

— “Нөл” сөзү кыргызча үч тамгадан турат. Ошону гана айта алам.

* * * * * * *

Ири кызматка аттангандар үчүн мамлекеттик тил боюнча сынак — бул билимдин эмес, капчыктын деңгээлин аныктоо.

* * * * * * *

— Досум, сынак кандай өттү?

— Менимче, анын баасы өлө көтөрүлүп кетиптир, досум!

* * * * * * *

Профессор:

— Сиз мамтил боюнча сынактагы бул жазуу түрүндөгү тапшырмадан саал-паал коркуп турасызбы?

Кызматка талапкер:

— Тапшырмадан эмес, өзүмдүн жазуу түрүндөгү жообумдан коркуп турам.

* * * * * * *

(TT)

* * * * * * *

Жергиликтүү бийликтерге шайлоо аяктап жаткан күнү кечкурун бир чал Орусиядагы шайлоо бекетине кирип, шайлоо комиссиясынын мүчөлөрүнөн сурап калды:

— Байболгурлар, мага тактап бериңиздерчи? Баланча Төлөнчөевна деген шайлоочу келип добуш берип кеттиби? Дареги мындай: Түкүнчө көчөсү, № 65.

— Кана, тизмени карайлычы. Та-ак, так, так... Чоң ата, шайлап кетиптир, эч камтама болбоңуз!

— Демек, унутпаптыр да, э?

— Эч унутпаптыр. Баары жакшы. А эмнеге такып сурап калдыңыз?

— Дайыма эле шайлоого келип добуш берип кетиптир деп угам. Өзүн эч көрө албай койдум.

— Эмне, кемпириңиз менен ажырашып кеттиңиз беле?

— Кайда-ан! Кемпирим алты жыл мурда дүйнөдөн кайткан. Бирок шайлоого эмдигиче үзбөй келип катышып жүрөт...

* * * * * * *

(TT)