Күлкү кербени

* * * * * * *

Жергиликтүү бийликтерге шайлоо аяктап жаткан күнү кечкурун бир чал Орусиядагы шайлоо бекетине кирип, шайлоо комиссиясынын мүчөлөрүнөн сурап калды:

— Байболгурлар, мага тактап бериңиздерчи? Баланча Төлөнчөевна деген шайлоочу келип добуш берип кеттиби? Дареги мындай: Түкүнчө көчөсү, № 65.

— Кана, тизмени карайлычы. Та-ак, так, так... Чоң ата, шайлап кетиптир, эч камтама болбоңуз!

— Демек, унутпаптыр да, э?

— Эч унутпаптыр. Баары жакшы. А эмнеге такып сурап калдыңыз?

— Дайыма эле шайлоого келип добуш берип кетиптир деп угам. Өзүн эч көрө албай койдум.

— Эмне, кемпириңиз менен ажырашып кеттиңиз беле?

— Кайда-ан! Кемпирим алты жыл мурда дүйнөдөн кайткан. Бирок шайлоого эмдигиче үзбөй келип катышып жүрөт...

* * * * * * *

(TT)

* * * * * * *

Марстагы шоопур

Тээ алыскы Марс планетасында суюктук гана табылбастан, президенти бар өлкө да табылыптыр.

Бир күнү ошол Марстагы президент өзүнүн шоопурун чакырып алып айтат имиш:

— Сенин шоопурдук милдетиңди мыкты аткарганыңды эч унатпайм да! Ошого ылайык сени деле сыйлап келатам: татынакай көп кабаттуу үй салып бердим, автоунаанын ок өтпөс, жел жетпес, чуңкур токтотпос эң мыктысын алып бердим, айлыктан тышкары андан жүз эсе чоң акчалай сыйлык да болуп жатат. Деги эмне арманың бар? Эмнеге эле кабагың бүркөө, бүгүн дагы?..

— Эки гана такилип бар, аксакал! Эми экөөбүз үчүн эки шоопур алсак... Бул – биринчиси. Анан...мени президенттик аппараттын бир жагын чойгон орун басар жетекчи кылып койсоңуз эле, кабагым жарк эте түшөт!

Бул — анекдот. Марстагы президент өз шоопурунун өтүнүчүн аткардыбы, жокпу, азырынча космос иликтеген илимпоздор аныгын биле элек дешет.

* * * * * * *

(TT)