* * * * * * *
— Урматтуу талапкер! Сиз эмнеге ойлонуп калдыңыз? Тез жооп жазбасаңыз, берилген убактыңыз азайып калды.
— Агай, акырын шыбырап койосузбу: “эл” сөзү эки тамгадан турабы же үч тамгаданбы?
— “Нөл” сөзү кыргызча үч тамгадан турат. Ошону гана айта алам.
* * * * * * *
Ири кызматка аттангандар үчүн мамлекеттик тил боюнча сынак — бул билимдин эмес, капчыктын деңгээлин аныктоо.
* * * * * * *
— Досум, сынак кандай өттү?
— Менимче, анын баасы өлө көтөрүлүп кетиптир, досум!
* * * * * * *
Профессор:
— Сиз мамтил боюнча сынактагы бул жазуу түрүндөгү тапшырмадан саал-паал коркуп турасызбы?
Кызматка талапкер:
— Тапшырмадан эмес, өзүмдүн жазуу түрүндөгү жообумдан коркуп турам.
* * * * * * *
(TT)
