Күлкү кербени

Бир күнү үч башка муундагы Капитализм, Социализм жана Коммунизм деген пенделер чогуу жер кезип келе жатып, токойдон адашып кетишет. Карды ачып, чарчап-чаалыгышат. Анан чак түштө эптеп чытырман токойдун четине жетип, кеңеш курушат.

- Мен болсо картайып баратам. Социализм, сен баралыңда турасың. Коммунизм эчтекени билбейт, телчиге элек. Ак-караны биртике таанып калган сен тетиги көрүнгөн тургун жайга бар да, дүкөнүнөн өзөк жалгагандай бирдемке алып кел.

- Болуптур. Чын эле Коммунизм “мурдуң кана?” десе оозун көрсөтүп турат, өзүм эле барайын.

Бир саат күтүшөт, эки саат күтүшөт...

Акыры күүгүмдө гана шылкыйып келет, кайран Социализм.

- Ой, эмне болду?

- Жолум болбой калды. Барсам кезек өтө эле узун экен. Эптеп кезегим келгенде бир шилекей чуурткандай жегиликтүү чучук бар экен, сатып алайын десем, кара басып акчам жетпей калбадыбы! – дейт ичи тызылдаган Социализм.

- “Акча жетпей калат” деген эмне? – деп таңдана сураптыр Капитализм.

- “Чучук” дегениңиз эмне? – деп Коммунизм аңырайыптыр.


* * * * *

ТЧ.

- Алло, бул өкүмат бекен?

- Ооба, өкмөт үйү.

- Мага Мамлекеттик катчы керек эле.

- Ал кызмат жоюлган.

- Алло, бул өкүмат үйү бекен?

- Ооба, аксакал!

- Мага Мамлекеттик катчы менен байланыштырып койсоңуз.

- Андай кызмат жоюлган.

- Алло, бул өкүматтын кеңсеси бекен?

- Аксакал, үнүңүздөн эле тааныдым. Жанараак эле сурабадыңыз беле! Мамлекеттик катчы деген кызмат түп тамырынан жоюлган! Тажатты го, чунак киши!

- Айланайын, кызым, түшүнүп эле жатам. Таң калгандан, анан анча-мынча сүйүнгөндөн кайра-кайра уккум келип атпайбы.

Эми “дүжүр чал” деген кызматты да жоюп койсоңор!

* * * * *

ТЧ.