Монголиянын 1924-жылдан 1992-жылга чейин Советтер Союзу менен тыгыз кызматташып турган учурдагы тарыхы жана уникалдуу сүрөттөр топтому.
Орусияда түрмөдө жазасын өтөп жаткан бир кыргыз жараны соттолгондордун көбү абактагы мамилеге чыдабай согушка кетип жатканын “Азаттыкка” айтып берди. Мигранттар менен иштеген юрист түрмөдө аскердик келишимге кол коюудан баш тарткандар муздак камераларда камалып, тамак-аштан кыйнала турганын айтты.
Украин президенти Владимир Зеленский Еврошаркеттин жана НАТОнун лидерлерин “жеңиш планынын” өзөгү менен тааныштырды. Зеленскийдин планын катардагы украиндер ар түрдүү баамдап, кээ бирлери колдосо, башкалары анын аткарылышына ишенбей турат.
Орусиянын коопсуздук кызматы (ФСБ) украиналык өспүрүмдөргө акча сунуштап, аларды украин армиясынын автоунааларын өрттөөгө азгырып жатканы белгилүү болду. “Азаттыктын” украин кызматынын кабарчылары ФСБнын торуна илинген мындай өспүрүмдөрдү таап сүйлөштү.
Израил Газадагы жана Ливандын чектеш тилкесиндеги чабуулдарын улантууда. Соңку суткада дагы ондогон кишилер каза болду. Бириккен Улуттар Уюмунун Коопсуздук Кеңеши Израилдин Ливандагы бейкуттук күчтөрүн убактылуу чыгарып кетүү тууралуу өтүнүчүн четке какты.
Өзбекстан сапаттуу жана кыйла арзан дарыланууну каалаган борборазиялыктар үчүн медициналык туризмдин негизги багытына айланды.
Украин президентинин Межигорье резиденциясы, түркмөн лидеринин Огузхан сарайы жана Анкрадагы президенттик комплекс. Булардын баары эбегейсиз акчага салынып, көз жоосун алчудай жасалгасы жайылып жаткан кең талаалары менен айырмаланат.
Босния жана Герцеговинанын батыш тарабындагы тоолордо жапайы жылкы көбөйгөнү бул аймакка келген туристтер арбыды. Жергиликтүү тургундар 1990-жылдардагы согушта колунда болгон жылкыны тоолорго ээн кое беришкен. 150дөй жылкынын саны соңку 15 жылда 1000ден ашкан.
АКШнын Федералдык иликтөө бюросу (ФБР) 5-ноябрда өтө турган президенттик шайлоодо "террордук чабуул" уюштурууну пландаган ооган жараны камакка алганын кабарлады. Бул аракет "Ислам мамлекети-Хорасан" террордук уюмунун Батыш үчүн коркунучу күчөп баратканын айгинелейт.
Ооганстанда талибдер соңку жылы эле 20 миң музыкалык аспапты жок кылганы августта маалым болду. 2021-жылы бийликти басып алган экстремисттик топ аспаптарды “шарыятка туура келбейт” деп жүйө келтирет. Каардуу бийликтен корккон ооган өнөрпоздору мекенин таштап чыгып кетти.
Быйыл жазында Москвадагы "Крокус Сити Холлдогу" куралдуу чабуулдан кийин Орусияда мигранттарга каршы маанай жана такси айдоочуларына карата катаал чектөөлөр жол киренин кымбатташына алып келди.
Израилдин Газа тилкесинде АКШ менен Евробиримдик террордук уюм деп тааныган ХАМАС тобуна каршы күрөшүп жатканына бир жыл болду. Сентябрь айынан бери Израил армиясынын Кошмо Штаттар террордук деп санаган “Хезболла” жоочулар тобу менен кармашы күчөдү.
Дагы жүктөңүз
