Аскердик прокуратура учурда №1 тергөө абагында отурган акын жана активист Аскат Жетигендин атайын кызматтын шаардык бөлүмүндө кыйноого кабылганы тууралуу арызын териштирип бүтө элек.
“Массалык башаламандыктар”, “Бийликти басып алууга чакырык” беренелери менен шек саналып камалган акын жана активист Аскат Жетиген март айында УКМКнын Бишкек шаардык бөлүмүндө кыйноого кабылганын сотто айтты.
Өмүрүн адилеттик үчүн күрөшкө арнаган Азиза Абдирасулова “Азаттык” радиосунун адам укуктарына арналган "Адилеттик издейм" подкастын сунуштайт. Укугу бузулган, чындык издеген жарандарга микрофон сунабыз.
Кемпир-Абад иши боюнча айыпталып камакта жаткандар алардын жактоочуларына судья жана күч органдары тарабынан басым болуп жатканын айтып чыгышты.
Жогорку Кеңештин тиешелүү комитетинде акыйкатчы Жамиля Жаманбаеванын Кыргызстандагы адам укуктарынын сакталышы боюнча баяндамасы талкууланды.
Президент Садыр Жапаров чет өлкөлүк жарандар сабалган Бишкектеги соңку тополоңго байланыштуу билдирүү жасап, ага чагымчыл күчтөрдү айыптады. Мамлекет башчы бул окуяга күнөөлүүлөр жоопко тартыларын айтып, бул жосунду кайталагандарга катуу чара көрүлөрүн эскертти.
Кыргызстандын борборунда чет өлкөлүк келгиндерге каршы тополоң уюштургандардын кылмыштуу жоругу – Кыргызстандын эгемендигинин жана бакыбаттыгынын ички душмандарынын жоругу катары кескин айыпталышы зарыл. Тарыхчынын блогу.
Кыргызстандын университеттеринде окуган пакистандык студенттер "Машаал" радиосуна ("Эркин Европа/Азаттык" радиосунун Пакистан кызматы) Бишкекте 18-майга оогон түнү өздөрү көргөн башаламандык тууралуу айтып беришти.
Бишкектеги бир мандаттуу Свердлов округунда кайра шайлоо өтө турган болду. Буга чейин сот, анын артынан Борбордук шайлоо комиссиясы бул округдан келген депутат Шайлообек Атазовдун мандатын жокко чыгарган.
Кыргызстанда акыйкатчы институту толук көз каранды эмес. Бул тууралуу акыйкатчы Жамиля Жаманбаева "Азаттык" менен болгон маегинде билдирди. Акыйкатчы менен "Кемпир-Абад" иши боюнча камалгандардын арыз-даттануулары, өлкөдөгү адам укуктарынын абалы, акыйкатчынын иши боюнча суроолорго жооп берди.
Дагестан, Чеченстан, Калмыкия, Кубан жана Ставрополдон кулчулукка кабылгандар кайрылып даттанууда: жумуш издеп чарбаларга жана заводдорго барып калган адамдарды тамагын эптеп берип мажбурлап иштетишет.
Юрист, укук коргоочу, мурдагы акыйкатчы Атыр Абдрахматова "Сезим" кризистик борборунун аткаруучу директору болуп шайланды. Анын 26 жылдык тарыхы бар бейөкмөт уюмуна жетекчи болуп келиши Кыргызстанда "чет элдик агент" мыйзамы кабыл алынган учурга туура келди.
Дагы жүктөңүз
